27th Of December

"4"

٧ی نۆڤەمبەرێ

چ نەمایە دێ بێتە هەیڤەک من تۆ بو ئێکەم جار دیتی، ب راستی ژی رۆژ بۆ روژێ من پتر حەز ژتە دکر و ژدویرڤە چاڤدێریا تە دکر، گەلەک کەسان ب خرابی بەحسا تە دکر و دگوتی کچکەکا دفن بلند و گەلەک یا باش نینە، ئەز د مامە مەندەهۆش ژبەرکو وان کەسان چ بەلگە نەبوون داکو ئاخفتنا خۆ بسەلمینن بەلێ پا من دزانی تو نە کەسەکا هۆسای ژبەرکو کەسێ هندی من دیفچوونا تە نەکرییە.
هەر سپێدە دەما تە قەهوەکا تەحل ل کافیتریایێ بۆ خۆ داخاز دکر و بتنێ لسەر مێزەکێ دروینشتی و چاڤەرێ هەڤالا خو بووی هەتا ئەو ژی دهێت، هەردەم داچمە سەر مێزەکا دویر ژتە و ژدویرڤە دناڤ تێبینیێن تە دا کویر چم، هەر روژ دا هندەک جل و بەرگێن جیاواز هێیە خاندنگەهێ، گەلەک جاران من تێبینیا کچەکا دگەل مە دکر لدەمێ سەحدکرە تە، ئەو کچە گەلەک جاران جل و بەرگێن خۆ دوبارە دکرنە بەر خو چنکی وێ وەکی تە جلک نەبوون، من دزانی وێ شەرم ژ خۆ دکر بەلێ ئەز تێنەگەهشتم بۆچی؟ ما یا پێدڤییە هەر رۆژ ب هندەک جل بەرگێن نوی خۆ نیشان بدەی؟
بەلێ ئەز دوێ باوەرێدامە ئەگەر تۆ هەر رۆژ هەمان جل و بەرگان بکەیێ و ئەو جل و بەرگە چەند سادە بن ئەز دێ هەر تە جوان بینم ژبەرکو من ناخێ تە جوان ددیت نەکو جل و بەرگێن تە.
ئەز گەهشتمە باوەریەکا هۆسا کو ژدل ئەز یێ بویمە ئەڤیندارێ تە ژبەرکو من نە دشیا تە ژ هزرێن خۆ بینمە دەر، من ژبۆ تە هندەک نڤیسینێن حەزژێکرنێ چێکرینە،

دگەل تە هەستپێدکەم
ژیانا من هەمی رێکەکا درێژە
هەر پێنگاڤەکا ئەز د هاڤێژم ،
ب هزارەها خۆشی سلاڤان دکەنە من
هزر دکەم عەشقا تە وەلاتەکە
من دڤێت ئەز پەنایێ ببەمێ دزانم
ئەڤ جوانییە ژ چنەیێ نەهاتیە
ب جوانترین شێوە تو هاتێە ئافراندن
ئەز سوپاسیا خۆدایێ مەزن دکەم
کو ئەز ل وی دەمی دایم
ئەو دەمێ تو لێ هەی،

ئەز گەهشتمە وی راددەی هزر بکەم
کو هەمی کەس ل لایەکی و تو ل لایێ دی
تو بتنێ، چاڤێن من ژبلی کەسێ نابینین
هەمی لدەف من دمری نە، بەس تویا ساخی
گەهشتمە وی رادەی هزر بکەم
ئەز یئ توشی نەخۆشیەکێ بوویم
و دەرمانێ وێ بتنێ توی بتنێ تو
تو ژیانا منی تو هەمی کەس و کارێن منی
تو بتنێ کەیفا منی
ئەگەر ئەز ئێک لاڤایێ چێکریێ خو و تە بکەم
دێ بێژمێ کو دوماهیکا من دگەل تە بتنێ بیت
من. خەونەکا هەی
خەونا من ئەوە هەر شەڤ بەری ئەز بنڤم
دەستێ من دناڤ پرچا تەدا بیتن سەرێ تە
لسەر سینگێ من بیتن دیتنا من یا هەر سپێدە ناڤچاڤێن تەبیتن
و کورێ من ژ خوینا تە بیتن
ئەرێ ما گەلەک یا ب زەحمەتە ئەز بگەهمە خەونا خۆ، مرۆڤ یێن گەهشتینە هەیڤێ ئەرێ ما گەلەک یا ب زەحمەتە ئەز ب گەهمە هەیڤا خۆ؟
ئەز چ جارا بێ هیڤی نابم
خو ئەگەر نە گەهمە تە ژی
هەر شەڤ تو زیندانیا خەونێن منی
دلێمن یێ مایە ب داڤێن پرچا تەڤە
دلێمن یێ مایە ب کەنی و نازکیا دەنگێ تەڤە
دلێمن یێ ئاسێ بووی د بەرێخودانێن تەدا
و نەشێت رزگاربیت، هەر ژ دەستپێکا من تو دیتی دلێمن ئالایێ سپی بوتە بلند کر
و د دەریایا حەزژێکرنا تەدا مەلەڤانی کر
دێ گەهیتە تە ، یان دێ خەندقیت دێ دگەل تە چیرۆکەکا عەشقێ نڤێسیت یان دێ
بیتە شەهیدێ حەزژێکرنا تە
بۆ تەیە
یان بو نەمانێ یە

🌼💛
ڤوت بکە
وێ موزیکا سەری بدە کاری
و بخوینە

...