ئەڤرۆکە ئەز گەلەک یێ دلخوشم، دبیت ژبەرکو بۆ ماوەیێ سێ سالان ژنیکا من دوبارە ئەڤروکە گوهل دەنگێ بابێ خۆ بوو، کو ژمێژە ژدەف من چوویە و پەنایا خو برییە دەرڤەی وەلاتی، ئەز نزانم ئەز بابێ خو تاوانبار بکەم کو ئەز هێلایم و چووی،. یان ژی ئەز ئەز وان کەسان تاوانبار بکەم یێن کو هزارەهان گەنچ و خێزان ژبەر وان دچنە دەرڤەی وەلاتی ژبەر بێ کاری و نەبوونا پاشەرۆژەکێ ل ڤێرێ بابێ من دگوتە من ل دەمێ ئەز هندەک پارەیان کوم دکەم ئەز دێ بۆتە ڤرێکەم و وەرە دەف من ، بەلێ ئەز سەر داخوازییا وی رازی نەبووم و من گوتێ کو من دڤێت ئەز پاشەرۆژەکێ بۆ خو ل ڤێرێ بدانم ، بابێ من ب کەنییەکا تژی روندک لپشت خۆ ڤەشارتین گوتە من : کورێ من ئەو وەلاتێ کو بو ماوێ ٣٠ سالان رۆژانە من تێدا کاردکری داکو بشێم پاشەرۆژەکێ ئاڤا بکەم، من نەشیا هەتا پارچەکا ئەردی ژی بکرم، ئەز پارچەکا وەلاتێ خو نادەمە ب دنیایێ هەمیێ بەلێ وان لبەر دلێمن رەشکر کورێ من، تە چ جاران پاشەرۆژ ل وێرێ نابیتن ئاخفتنێن بابێ من گەلەک کاریگەری ل من دکر و من دگوت: ئەرێ ژ راستا من پاشەرۆژ نابیتن ل ڤێرێ من گەلەک دڤێت ئەز خواندنا خو ب دوماهیک بینم و ئێکسەر بهێنە دامەزراندن داکو کار بکەم و بشێم بوخو پاشەرۆژەکێ بدانم ، لێ نزانم بۆچی هەردەمێ ئەز ڤێ ئاخفتنێ دبێژمە هەڤالێن خو ئێکسەر ب من دکەنە کەنی، ما هەتا وی رادەی ئەو بێ هیڤی بوینە؟ ئەز مامە دوێ خەیالێ دا کو ئەگەر رۆژەکێ ئەز چوومە ژدەرڤەی وەلاتی دێ چەوا شێم دگەل تە بم دێ چەوا پلانەکێ دانم کو رۆژەک ژ رۆژان ببمە پشتەک بوتە؟ و نەهێلم چ جاران بخەم کەڤی، لەوا من ئەڤ ئاخفتنە بوتە نڤیسین:
دناڤبەرا مە دا دیراتییەک یا هەی ئەز دێ چەوا شێم بێژمە تە بخەم نەکەڤە؟ برێکەکا وەسا تو ژدل هەست پێ بکەی تو گەلەکا گرنگی بومن ئەز دێ چەوا بۆتە خەما خۆ دکورتە نامەیەکێ دا دیارکەم؟ رۆناهیا چاڤێن من ئەڤ رێکا هۆسا درێژ دناڤبەرا مەدا دێ چەوا تە هەمبێزکەم کو تو بخەمگینی ڤە نە نڤی نە بتنێ بی و نەترسی ل شوینا بالیفکا تە رۆندکێن تە سینگێ من تەر بکەن ئەز دێ چەوا شێم بێژمە تە کو ئەڤ جیهانە هەمی بومن خەم نینە بتنێ تۆ بەس تو بومن خەمی
Oops! Bu görüntü içerik kurallarımıza uymuyor. Yayımlamaya devam etmek için görüntüyü kaldırmayı ya da başka bir görüntü yüklemeyi deneyin.
