27th Of December

"6"

١ی دیسەمبەرێ

پاییز بەرەف دوماهیکێ ڤە چوو و بەلگێن دارا وەریان و هاتنە خوارێ، وەکی وەریانا پرچا وێ ژنا ل تاخێ مە کو چەندین سالە لهێڤیا هەڤژینێ خۆ بوو دا بڤەگەریتن، هەڤژینێ وێ سەرباز بوو د شەرەکی دا هاتبوو بەرزەکرن ژ لایێ دوژمنی ڤە و چ دەنگ و باس ل سەر ڤەدیتنا وی نەبوون، ئەز د مامە مەندەهۆش ژبەرکو گەلەک کەسێن تاخێ مە ب خرابی باسی وێ ژنێ دکر و دگوتێ ژنەکا دەهمەن پیسە و کارێن خراب دکەت، من بخۆ چ خرابی ژ وێ نەدیتبوون و هەر جارەکا ئەز دیتبام دا گەلەک جوان سلاڤ کەتن و دا بێژیتن ئەز ژی وەکی دەیکا تەمە، گەلەک جاران ئەگەر خوارنەکا خوش چێکربا دا بۆمن ئینیت، هەر چەند رۆژەکا دا هندەک نانان کەتە خێر و دابێژیت لاڤان بکەن هەڤژینێ من بزڤریتە ڤە
چەندا سەیرە وەفاداری لبن سیبەرا دەهمەن پیسیێ بهێتە ڤەشارتن!
من هزرا هندێ کر کا چەوا هندەک کەسان باسی تە ژی دکر دەما دگوتی کچەکا دفن بلندە و کارێن خراب دکەت، ئەز یێ پشتڕاستم تو یا هۆسا نینی و گەلەک یا باش و پاقژی، دبیت ژبەرکو چاڤێن وان کەسان بتە رانابن ژبەر هندێ وەسا باسی تە دکەن، ژبەرکو ئەگەر وان تۆ کێم نە کربای ئەو نەدشیان بگەهنە تە،
ئەز دبێژم ئەگەر رۆژە ژ رۆژان ئەز بوومە خوشتڤیێ تە، دێ وان کەسان هەمیا سزا دەم یێن کو باسی تە دکەن بخرابی، و دێ دیسان ب سەدەهان پەیڤێن حەزژێکرنێ لسەر تە نڤێسم، هزرا هندێ کۆ تو رۆژەکێ بۆمن بی من گەلەک هاندەت پەیڤا لسەر تە بنڤسیم، دەما چاڤێن خو دگرم و هزرا تە بکەم گەلەک پەیڤ دهێنە هزرا من و من دڤێت بۆتە بنڤیسم، من شڤێدی بۆ تە ئەڤ پەیڤە نڤیسینە:

ئەز وەکی بەلگێن پاییزێ د عەشقا تە دا دکەڤم
وەکی کولیلکێن بۆهارێ گەش دم لدەمێ تە دبینم
ئەرێ تو دزانی کو ئەز حەزژتەدکەم هەتا بێی دوماهی و پتر ژ ئەو ئاخفتنا من نوکە گوتی
هەست پێ دکەم تو هەر یال دەف من

هەتا هەتایێ دێ حەزژتەدکەم
هەتا هەمی ستێر دسوژن
هەتا هەمی جیهان بدەماهیک دهێن
هەتا هەمی هەسارە پارچە پارچە دبن
و رۆژا مە دحەلیێت و هەیڤا مە د ڤەمریت
هەتا پرچا من هەمه سپی دبیت
و هەمی بیرهاتن ژبیرا من بچن
و ئەزمانێ من نەشێت ناڤێ تە بێژیتن
و هەتا دوماهیک لێدانا دلێمن
دوماهیک هەناسەدانامن
دێ حەزژتەکەم
من ئەو هێزە نینە ئەز سەحکەمە چاڤێن تە
من ئەو هێزە نینە ئەز بتنێ ب رەخ تەڤە براوستم
ژ شەرما دا نەشێم بێژمەتە حەزژتەدکەم
من بەرەڤ لایێ خو ببە،
ومن هەمبێز بکە
ئەڤێ شەرمێ لدەف من نەهێلە بلا ئەز سەحکەمە چاڤێن تە و بێژمە تە
دڤێ جیهانێ هەمیێ دا من تو بتنێ دڤێی و ئەز بەس حەزژتەدکەم
حەزژمن بکە، دێ شەرما خو گوری تە کەم هەر تشتەکێ دناڤبەرا من و تەدا دێ گوری مەکەم

🌸💖