𝑅𝑎𝑛𝑑𝑜𝑚 𝑃𝑜𝑒𝑚𝑠

သို့.....တမ်းတခြင်း

"မျှော် "

​​စောင့်​မျှော်ခြင်းမဟုတ်တဲ့
​မျှော်လင့်ခြင်းနဲ့
​မျှော်​နေမိတဲ့ ကြယ်​လေး
ပုံဖော်လို့မရ
ကြယ်ဟုသာသိခဲ့ရတယ်
​မှောင်မိုက်​နေတဲ့လမ်းသွယ်သွယ်မှာ
သက်ပြင်းချသံသဲ့သဲ့​တွေနဲ့
နွံထဲကငါ​ခြေ​ထောက်ကိုရုန်းလိုက်တယ်
ယိုင်နဲ့နဲ့ ဒဏ်ရာဗရပွနဲ့ငါ
မမြင်​အောင်အနက်​ရောင်ခြုံလွှာကိုလွှမ်းလိုက်တယ်
​အေးခဲ​နေတဲ့နှလုံးသားကိုလက်မှာကိုင်
ခပ်မဲ့မဲ့ပြုံးရင်း တစ်လှမ်းချင်း​လျှောက်တယ်
​ မရိပ်မိ​အောင် အရူးလိုကခုန်ရင်း
ဟားတိုက်ရယ်ခဲ့တယ်
ငါမျိုချထားတဲ့စကားလုံး​တွေကို
ရှေ့မှာ အန်ချပြနိုင်မယ့်ကြယ်​လေး
ငါ ​မျှော်ပါတယ်.....။

#KimEnola
28 December 2022

​"​သူ"

​ကော်ဖီပူပူကို တစ်ငုံ​သောက်ရင်း
​သက်မတစ်ချက်ချလိုက်တယ်
​လမ်း​မှောင်​မှောင်မှာ
လ​ရောင်ကို​မော့မကြည့်ရဲလို့
ငါ​ခေါင်းငုံ့လမ်း​လျှောက်ခဲ့တယ်
ငါ မြင်ရတာ​အ​မှောင်ထု
​လ​ရောင်ကို ကြည့်သင့်တယ်ဆိုတာသိ​​ပေမယ့်
​ပျောက်ကွယ်သွားမှာစိုးလွန်းလို့
ထင်​ယောင်ထင်မှားသာဖြစ်မှာစိုးလွန်းလို့
အိပ်မက်ဆိုး​တွေကိုအံတု ငါ​ခေါင်းငုံ့ခဲ့တယ်
မျိုချထားတဲ့ စကားလုံး​တွေ
တစ်ချိန်ချိန်မှာ​တော့
ဒဏ်ရာဗရပွနဲ့ငါ့ကို
​ထွေး​ပွေ့ထားမယ့်သူ
ငါ့စကားသံ​တွေကို
မငြိုငြင်မယ့်သူ
သူ့ရင်ခွင်မှာငါပြိုလဲချင်မိတယ်....

#KimEnola
28 December 2022