حلقة 7
مشينا للحفلة دخلنا وانا قعدت حالة فمي ناس عريانة ماشية وجاية ..و عباد يبوسو في بعضهم قدام العباد انا حشمت ووجهي حمار و هرون فاق بيا .. مشنا قعدنا في طاولة بحذا صحابو وانا قعدت نتفرج فيهم كيفاه يرقصو وكان فما واحد من صحابو اسمو كمال ملي جيت وهو لاصقني و كلاني بعينيه فددني في روحي ... جابو مشروب هوما الكل خذاو كاس كان انا خذيت عصير ... كنا نحكيو ونضحكو لين جات وحدى مصفارة لابسة روبة بكلها عرا في عرا حطت ايدها هلى كتفو و حملتو وانا باش نموت من الغزول و هارون كان يضحك عادي مش عاطيني حتى اهمية
-haroun comment allez-vous mon cher
-cv julia .. C'est ma famme
-oh tu es marié
-oui
كانو يحكو بلغة محلاها اما انا مفهمتهاش محلاها القراية وقت تبدى تفهم كل شيء يقوله العباد .. تلفتتلي و مدت ايدها
-cv madam.. Quel est le nom de ta femme
هارون تنبز على خاطر هو ميعرفش اسمها..
انا مفهمتهاش اش قالت اما مديت ايدي و قلتلها
-قمر
-bienvenue je m'appele julia
بعد هزيتو و مشات تشطح هي وياه و انا حسيت روحي ما نجي شيء مشيت لتوالات وقعدت نبكي علاش هي فاش خير مني باش يرقص معاها وانا لا علاه هي عجبتو وانا لا امي وينك يامي ايجا شوف بنتك اش تعاني بكيت وفرغت الي في قلبي الكل وبعد نحيت الكبوط متاعي وبان ضهري العريان عودت عملت شويا حمير وغمقت في عينيا و خرجت نتبختر ... صاحبو اكا كمال دوب ما شافني عينيه تحلت صحافي مشا قدم مني وشدني من يدي
-مسكين صاحبي مش قاعد يشوف في الي عندو تحب نشيخك انا
بدى يقرب مني ويرمي في ايديه وانا بديت نبكي وعطيتو كف و كبيت عليه العصير
-ابعد عليا خييه ملا رجولية عندك
شدني من شعري و يكرر فيا وانا نبكي ونترجى فيه باش يسيبني لين شافني هارون جاء يجري
