حلقة 22
هارون مسكين قعد يلوج من بقعة لبقعة حتى طاح بفطار خذالها فطيرة وروح يلقاها في سابع نومة ***اهوكا مقيمتني عقاب الليل نلوج في الفطاير وكي نجي نلقاها راقدة **تكى في الفرش ورقد...
قمت الصباح دوشت وبدلت حوايجي و بعد مشيت للكوجينة نلقا الفطاير قعدت ناكل ونتبنن حتى قام هارون
-صباح النور عزيزي
-صباح الخير
-مرسي على الفطاير
-ههه كي العادة كليتهم وحدك
-ههههه
حضرتلو قهوتو ومشيت قيمت يوسف و قعدت نبوس فيه ***معزك يا صغرون نشالله يجي خوك ولا اختك يشبهلك ههه**مشيت لبستو ووكلتو فطورو ... مشا هارون يخدم وهز يوسف للروضة وانا قعدت في دار وحدي .. حسيت روحي قلقت ياخي قمت باش نضم بيت النوم ونبدللها الديكور متاعها .. بديت نقلب فيها و نضم و جبدت الخزانة لين يطيح منها صندوق صغير في اسود و مكتوب عليه هارون وماريا .. حليتو نلقا فيه تصاور مقطعة قعدت نشوف فيهم حتى نطيح بتصويرة تشبه برشا ليوسف عندهم نفس العيون و نفس الشعر تقول نصخة منو اكيد هاذي ماريا مرتو الاولى قعدت نتفرج فيها وانا خايفة و مخي ولا يهز ويجيب **زعمة كان ترجع لحياة هارون زعمة يرجعلها و يخليني وينساني وطفل الي في كرشي شنو ذنبو وه يا قمر شبيك وليت تخلوض صبر و برى ***رجعت التصاور في الصندوق و رجعتو لبلاصتو و قعدت نضم في الدار وانا مخي يهز ويجيب الف حكاية وحكاية تدور في راسي ومش لاقتلها جواب .... كملت قضية الدار قعدت في الصالة باش نرتاح حتى جاء هارون
-قمورتي شو اش جبتلك
-ياااا شكلاطة
مد لي شكارة معبيا بشكالط و شيبس وبسكوي قعدت ناكل وهارون يتفرج فيا قربت منو و بعد جمعت قوتي وسالتو
-هارون
-اممم
-تو كان يجي نهار تمشي وتخليني
-قمر ياخي فاش تحكي انتي كل شيء في حياتي ومستحيل نخمم لحضة نعيشها بلا بيك
وقتها باش رتحت وضميتو وانا فرحانة هارون مستحيل يخليني وانا نغلوض وحدي من الصباح
