حلقة 12
وصلنا لامريكا الحمدالله بعد خوف كبير .. هبطت من الطيارة نرى في عالم اخر شريكات وعمارات وديار و عباد تدور و لابسة لبست بكلها عرا .. وموسيقا و فما برشا واقفين ميتحركوش وناس تعطيهم في الفلوس وفما شكون يعزف و شكون يغني قعدت سارحة مع نغمت الموسيقة ومشاعري لكل حسيتها تحركت وانا نتبسم وهارون يتفرج فيا
-هيا نمشسو
-ب باهي قعدنا نستنو شوي حتا جات الكرهبة
-welcame sir haron prefer
-thanks
ركبنا في الكرهبة وانا منيش فاهمة شيء
-هارون محلاها اللغة الي تحكيو بيها شنو اسمها
-ااا هذي اللغة انقليزية .. قمر ياخي انتي مقريتش اصل
-احنا في البلاد عندنا عيب المرا تخرج تقرى ولا تخدم اصل انا دخلت قريت و تعلمت كيفاه نكتب اسمي وبعد بابا خرجني (هبطو دموعي على خدي ورجت نحكي )كنت نحلم اني نقرى ونجي طبيبة ولا محاميا
قرب مني ومسحلي دموعي بكل حنية
-معاش تبكي انا نوعدك باش نحققلك حلمك
-ياا بلحق
-اي
قعدت نصفق بايديا صغار و انا فرحانة وهو شايخ عليا .. وصلنا للدار مش دار قصر على حالو قعدت حالة فمي جردة كبيرة وورد وشجر و حفرة كبيرة متع ماء تهبل قعدت واقفة نتفرج مشينا قدام الباب لين حلتنا وحدة صغيرة في عمر و في ايدها طفل صغير يعمل عمرو عامين انا تفجعت وهارون هزو حملو وبدا يبوس فيه وانا باهتا
-your son longed for lot of si haron
-ok safinaz
-هارون ياخي شكون البيبي هاذا
-ياخي انتي ما فيبالكش
-لا
-ياخي امي ما قتلكش الي انا عندي وليد واسمو يوسف
-نعم ياخي انتي معرس قبل
-اي و طلقت
قعدت مصدومة كيفاه ما قليش وزيد هاو الراجل طلع معرس وبولدو ...
