حلقة 18
تعدات ايمات نفس الريتم هارون رجع يخدم ويوسف مشا للكراش كان انا قعدت وحدي قلقت وفديت حليت التلفزة وقدت نتفرج لين هزني النوم ما فقتش حتى بهارون كي جاء
-قووم قووم صحا النوم
-امممم هارون اش تحب
-ياخي راقدة من تو
-اش تحبني نعمل انتوما الكل خرجتو قعدت كان انا وحدي
-ههه باهي متبكيش انا عندي ليك خبر مزيان
-شنو قلي عليه امان
-انتي قتلي حلمك الوحيد انك تقرى وانا نحب نحققلك حلمك هذاكا علاش سجلت في ليسي بريفي وغدوة تمشي تقرى
-يا بلحق هارون نجم نقرى عادي
-اي عزيتي تقرى من حرف ا الي الياء
من الفرحة نقزت عليه نحمل ونبوس لين خنقتو
-يا بنتي بشوي باش تقتلني يهديك
-هههه مش مصدقة هارون انا باش نرجع نقرى و نحقق اكبر حلم في حياتي ربي يخليك ليا يا روحي عمري ما كنت نتصور باش يصير معايا هذا الكل منغيرك
-هههه نعرف نعرف
هو قرب مني وانا صحت فرد صيحة كي المهبولة
-هارووون
-شبيك شبيك اش فما
-جعت
-ياخي كي تجوع تقوم تصيح
-يزيتش من بلادتك والله من الصباح لا ذقت شيء
-باهي تو نطلب بيتزا
-شنيه هاذي
-هاذي ماكلة بنينة برشة
-باهي
مشيت حضرت الطاولة وهو مشا يدوش وبعد لبس مريول خلعة وشورط ... الباب دق وانا مشيت نجري حليتو وخذيت الماكلة الي قال عليها هارون قعدت في الطاولة وهارون مقابلني حليت الباكو وتفاجئت بالمنضر المزيان طحت ناكل بايديا و ساقيا مقعتش فيها درج
-هارون انتي باش تاكلها ولا (نتكلم وفمي معبي )
-يا بنتي اعمل ربي في بالك كليت كعبة بيتزا في درج وتحب على متاعي
-امان هارون والله جيعانة
-جيعانة باهي شد كول خير ملي تاكلي راسي
غطست فيها وكليتها وهو باهت فيا
-ملا وحش ماخذو
-ههههه ضامر برشا
