الشارع الأول

الشارع الاول البارت الخامس

"ويراودني سؤال دائما ..

الذين انفصلوا عن بعضهم ..
أين ذهبت مشاعرهم .. حبهم .. رسائلهم ..
وحتى لحظاتهم الجميلة."☹️🖤
_________________________________________
يسعد اوقاتكم بلحب والسعاده دائما

الشارع الاول ((بيت الدكتوره ))

زياد _ ثاني يوم كعدت الصبح مخنوك كولش طلعت

اكلت لفه بره رحت على جماعتي بلسوك لايكيلي

شغله بمحل مال ملابس نسائيه كبل باشرت بلشغل

طلع شغلي من الصبح لليل ضليت بلشغل ارتب وانظف

وابيع لحد ماصار المغرب انطاني جدي الرجال بس

قليل هذا الجد سكتت وقبلت حته لا فرح تكلي اني

معيشتك اخذته ورحت للبيت بيني وبين روحي كلت

هسه فرح ماطول ماشفتني من الصبح لليل اكيد هسه

مشتاقتلي ويجوز هيه هيج حجت وياي حته تخليني

اطلع اشتغل حته نكون مستقبله كلت خلي انسه كلامه

وادخل للبيت مبتسم وكأنما الكلام ماصاير دخلت للبيت

سلمت ردت السلام من وره خشمه بس ابني مرتضى

اجاني ركض وشبكني

مرتضى  - بابا ضل بالي عليك وين جنت

زياد - والله بابا اليوم طلعت للشغل

مرتضى - بابا شجبتلي وياك

زياد - والله بابا كلشي ماجبت وياي بس امشي

اشتريلك اخذت مرتضى ورحت اشتريتله اجيت على

البيت اباوع على المطبخ ماكو لا طاوه على الطباخ

لا ريحة اكل زين هسه يعني زعلانه وياي ابنه ليش

مامسويتله اكل رحت غسلت وصليت كلت خاف بعد

وكت مامسويه انطيته هواي أعذار لان احبه بعد ساعه

هم ماكو شي احنه باقي الايام هيج وقت متعشين

وشاربين جاي وكاعدين نسولف خل احاجيه اشوفه

زياد - فرح كلبي شعجب اليوم عشه ماكو لسه

فرح - مابيه حيل وموجوعانه

زياد - زين انتي مو جوعانه اني وابنج جوعانين

فرح - كتلت مابيه حيل جوعان كوم سوي اكل

زياد - تعبان فرح من الصبح لسه واكف على رجلي

فرح - اهووو كتلك تعبانه مو اليوم انته طلعت تشتغل

جاي تسوي منيه عليه تره اني هم تعبانه من الدوام

زياد - حبي كومي نسوي عشه علواهس وعوفي الزعل

وعد الج مني هديه تلوكلج ماريد الزعل يطول