يسعد اوقاتكم براحة البال والرزق الحلال
الشارع الأول البارت الرابع
تكملة (( بيت الدكتوره ))
_________________________________________
عفت كلشي !
واول شي عفت حزني ..
عفت الچنت عنهم صعب استغني
والناس العود تحبني ؟
خلصت من النفاق الچان خانگني
ناس هوايه چانو بس قليل الخير
والحاسد عليهم هيچ حاسدني
زين والله خلصني 🖤
_________________________________________
فرح
بعد ماأخذت شهادة الدكتوراه فرحت هواي وحيل افرح
من يوم التخرج كله تباركلي وتصيحلي دكتوره وجان
زياد هواي فرحان بتخرجي بس اني ماعوف هدية
تخرجي مثل كل مره فكرت اني ذهب عندي وسياره
عندي فكرت اخلي زياد يسجل البيت بأسمي هاي احلى
هديه واقوه هديه تجيني من زياد اذا قبل بس اني
اعرف بطريقتي شلون اخذ البيت من زياد هدية تخرج
كمت سويت عشه وحظرته تعشينه ضلينه كاعدين
شويه على التلفزيون اخذت مرتضى نومته بغرفته
واني رحت سبحت ولبست ملابس نوم وتمكيجت
لكيت زياد بلغرفه شافني طالعه كولش حلوه اتفاجئ
زياد - اليوم شطالعه حبي تخبلين
فرح - شويه معتنيه لحبيبي الدراسه جانت باعدتني
زياد - اي والله حبيبي الحمدلله خلصت وخلصنا منها
فرح - حبيبي بس اني ضايجه من شغله وانت سبب
زياد - ليش حبيبي شمسوي واني ماادري
فرح - حبيبي متعوده كل مااتخرج من دراسه انته
تجيبلي هديه واني هسه صرت دكتوره وبداية السنه
الجديده ان شاء الله اداوم بلجامعه ادرس وانته
بلجذب ماذكرتني بهديه ابد
زياد - كولي حبيبتي شنو يعجبج من هديه اني اجيبه
فرح - اريد تسجل البيت بأسمي
زياد - شنو فرح شتكولين
فرح - مثل ماسمعت حبيبي البيت سجله بأسمي ليش
اني مااستاهل هاي الهديه تعز البيت عليه
زياد - مو شغلة أعزه عليج انتي لو تردين روحي
انطيجياه بس حبيبتي اني لامريض ولا بيه شي حته
اسجل البيت بأسمج أوله وتاليه البيت الج انتي وابنج
فرح - خلاص زياد اني مااستاهل وانته متحبني
زياد - فرح انتي تدرين بيه شكد احبج ومااعز عليج
أنت تقرأ
الشارع الأول
Misterio / Suspensoالقصه تتكلم عن احداث إحدى الشوارع في إحدى المحافظات القصه تحكي عن الحب والخيانه واحداث كثيره ومشوقه
