يسعد مسائكم براحة البال يارب دوم مرتاحين
الشارع الأول البارت 15
تكملة احداث (( بيت ابو ناديه ))
حكيم - بعد مارجعنه للبصره اني كلشي ماعندي
شلون راح اخطب شلون راح اجهز ميعاد ماادري شلون
اكعده بيتنه هوه احنه 3 اخوه بغرفه وحده والله
كعدنه اني واهلي صار الاتفاق انو امي تبيع الذهب
سوده عليه وتروح تجهز البنيه ونعقد وبعده يفرغولي
غرفة البنات والبنات يكومن ينامن ويه امي وابويه
والله امي راح باعت ذهبه وبعده رحنه اني وأمي
وابوي وعمي الي هوه صديق ابو ميعاد ومرت عمي
رحنه على بيت ابو ميعاد عمي مرتب اتصال ويه ابو
ميعاد لكيناه ينتظرنه رحبو بينه الناس وكعدنه وضلو
يسولفون سوالف عاديه وبعدين فتحو سالفة الحاضر
والغايب ابو ميعاد جان حيل مستاهل بهاي الأمور
ابو ميعاد - عمي احنه مشترين رجال الحاضر والغايب
بليعجبكم لان هيه صارت بنتكم وبالنسبه للذهب
والملابس مانريد لان البنيه عده ذهب وملابس هواي
خلو فلوس الذهب تفيدهم الهم لان اني ادري بحكيم
جندي واعرف ماعنده وبعده شاب وماطول انتو اجيتو
شوفو ابو محمود وكم شخص وياه وتعالو مشيه كدام
اخوتي وكرايبي شيرجعكم للحله تجيبون كرايبكم
والله اني هاي جيتكم تسوه ابو المشيه بس مثل
متعرفون هاي تقاليد عدنه وشتأمرون احنه حاضرين
حكيم - والله جنت قبل افكر شلون راح تصير ميعاد
الي لأن اني فقير بس ربك يريد يسهل القسمه اتفقنا
انو بس اشتري حلقه لميعاد مترهم مااخذله شي
طلعنه العصر للسوك اشتريلناه حلقه واشتريناله ملابس
مال خطوبه الناس ماقبلو بس احنه هم ماقبلنه
صار المغرب رجعنه من السوك وصلنه ميعاد الناس
جلبو علعشه ماضلينه ورحنه على بيت ابو محمود
تعشينه وسولفناله القصه دز ابو محمود محمود على
عمامه لبيته اجو عمام محمود ودز على جيرانهم
وجمع فوك 20 رجال واتفق وياهم انو باجر يرحون
وياي للمشيه ضلينه ل12 بليل نسولف وهاي سوالف
الحلوه مال اهل البصره وسوالف قبل حلوه ثاني يوم
أنت تقرأ
الشارع الأول
Mistério / Suspenseالقصه تتكلم عن احداث إحدى الشوارع في إحدى المحافظات القصه تحكي عن الحب والخيانه واحداث كثيره ومشوقه
