الشارع الأول

الشارع الأول البارت السابع

الوكت نيرانه بالدلال....ويهين
يعاندني ويذلني راد...ويهين
وعلي لو عندي مثل الناس ويهين
فلا يعمل زماني هيج بيه 💔
_________________________________________
يسعد مسائكم بلحب والسعاده وراحة البال

الشارع الاول الحلقه السابعة

تكملة (( بيت الدكتوره ))

فرح - بعد ماوصلت حاتم لبيت خالته تمنيت الطريق

يطول أكثر حته اشبع منه شوف ضليت اسوق بسياره

واشم بأيدي لان ايده كمشت ايدي حيل مرتاحه وصلت

للبيت لكيت ابني مرتضى نايم بدون عشه بدلت

ملابسي ومددت على فراشي ضليت افكر بحاتم ليش

هذا البعد بينه وكاتمه مشاعري اتجاه حاتم لازم اكله

اني احبه وشيصير خل يصير ويجي يوم ويصير زوجي

اهو وهذا زياد اني بعده زوجته لازم اخلي يطلكني

واخلص من هذا الفكر ابن الفكر بس خل اشوف حاتم

شنو مشاعره اتجاهي يحبني مثل مااني احبه

نمت كعدت على صوت ابني مرتضى

مرتضى - ماما كومي صار وقت الدوام

فرح - اي ماما كايمه صباح الخير

مرتضى - صباح النور ماما جوعان حيل نمت جوعان

فرح - ماما مابيه حيل انطيك فلوس اكل بالمدرسه

انطيت فلوس لمرتضى وراح للدوام واني بدلت

وتمكيجت ولبست الربطه مجرد حطيته على راسي

بدون لادمبوس ولاشي حته أعجب حاتم أكثر

رحت على حاتم بسياره صعد وياي

حاتم - صباح الخير دكتوره فرح

فرح - صباح النور حاتم احنه موكلنه البارحه بعد ماكو

بيناتنه كلمة دكتوره من نكون وحدنه

حاتم - ولايهمج فروحه مو فرح

فرح - فدوه شلون يكول كلمة فروحه من حلكه وهوه

حجيه جنوبي تطلع فروحه من حلكه تخبل

وصلنه للجامعه وبعده كلمن راح المحاضرته بعد ماكمل

الدوام اني كلت خل اطرح عليه فكرة نلتقي بعد بمطعم

الي رحناله البارحه اشوفه شيكول

فرح - حاتم شتكول لو اليوم نروح نتعشه بلمطعم اليوم

حاتم - مو البارحه جنه طالعين شنو يوميه نطلع

فرح - والله الطلعه وياك حلوه وراحه نفسيه

حاتم - شكرا فروحه بس شتكولين لو نخليه الجمعه

نطلع اني وياج نروح لبغداد نطلع الصبح نرجع بليل