فصلية الشيخ جواد

البارت الاول

مرحبا اني اسمي نيار اصلي كردية من محافظة دهوك
اقاربي كلهم بالشمال بس احنه لأن ابوية شغله وشغل
اخواني بغداد فأمستقرين بغداد بمنطقة الاعظمية
تحديداً خليني اعرفكم علينة
اني نيار عمري ١٧ سنة طالبة خامس علمي والحمدلله
درجاتي زينة ماكلكم اني شاطرة كلش ولا اني موزينه
كلش اني بالوسط يعني الحمدلله درجاتي كلها بل ٨٠
جنت مقرره بالسادس أشد حيلي حتى اطلع معدل
حتى ادخل كلية واتخرج واتعين هذا جانت طموحي
بس جنت أريد اتعين وهسه نجي على عائلتي واحد واحد

ابوية. جمال متقاعد وعنده سوبر ماركت جبير يشتغل
بيه عمره ٤٩ سنة

امي. مها ربت بيت عمرها ٤٢ سنة

أخوية الجبير .. ئازاد مهندس معماري معروف وكل المهندسين والشركات المعمارية يعرفون أخوية وشغله    عمره ٢٦ سنة مزوج آية بت خالتي على حب وعدهم بنية اسمها نور عمرها ٥ سنوات

آية.. مرت ئازاد موظفة بالبنك ٢٤ سنة

أخوية الوسطاني.. آران معاون طبي قسم تخدير عمره
٢٢ سنة يداوم بمستشفى حكومي ممزوج بس يحب
ممرضة وياه والبيت كله يدري بيه يحب

واني اصغر وحده بيهم

ونور بت ئازاد هي المونسة البيت كلنة نتخبل اذا آية
راحت لبيت اهلها وأخذت وياها نور

نور ابد متصيح لأمي بيبي لو لابوية جدو كلنة

تصيحلنا باسامينة حتى امها وابوها تصيحلهم بأساميهم
هاا وامي مو كردية امي أصلها من بغداد ابوية تعين

بغداد وشافها لأمي وانعجب بيها وخطبها
----------------------------------------------
البصرة .

مرحبا اني جواد خريج إدارة واقتصاد قسم محاسبة
متعين بدائرة حكومية عمري حالياً ٣٠ سنة مزوج بت عمي نسرين وره
سنتين من الزواج صار عدنة سجاد  والحمدلله مرتاح
بزواجي ونسرين ممقصره وياية بشي

ابو نسرين شيخ العشيرة وجان دائماً يكلي اذا اموت

انته استلم بمكاني لأن عمي ماعنده ولد

وره خمس سنين من زواجي اني ونسرين مات عمي

ابو نسرين كلش تأثرت نفسيتها لنسرين وتعبت كلش

لأن امها ميته وبس ابوها جان باقي الها ومات عمي

الله يرحمة وره السنة مالتة اجمعنا كلنا بالمضيف

رشحوني الي لأن اني اكبر واحد واستلمت المشيخة

بعد عمي الله يرحمة

خليني اعرفكم على اهلي

ابوية الله يرحمة مات من أخوية الضغير نجح لسادس

اعدادي

امي. الله يحفظها عمرها ٤٥ سنة

جلال. ٢٨ محامي بشركة أهلية مزوج شهد غريبة مو كراببنة على حب وعنده أطفال اثنين عسل ومصطفى