فصلية الشيخ جواد

البارت الثالث

اندكت الباب ركضنا كلنا عل باب فتحتها ئازاد

ابوية.. لك وين جنت حركنا التلفون عليك ليش غالق
خطك
آية.. ئازاد ليش هيج تخلي بالي
تحجي وتبجي
وأمي من البجي سكرها صعد
ئازاد.. هسه راح تخلوني واكف بالكراج
نيار.. خلي يدخل يرتاح وبعدين يحجي
اشوف ئازاد الا شويه وينفجر
دخل ئازاد وكعدنا كلنا بالصالة رحت صبيت مي وديت
لائازاد
وكلنة كاعدين ننتظره يحجي

ابوية.. لك احجي كلبي حاسني اكو مصيبة
امي.. احجي مو فتيته لكلبي
ئازاد.. يابه المشروع الي كتلك راح يوصلني لفوك واربح منه مو بس فلوس حتى ذهب

ابويه.. يي شبي
ئازاد.. ابو العمارة مقبل نكمل البناء
ابويه. ليش؟
ئازاد.. يابه شريكي بلال رايح جايب مواد بسعر ارخص
وطلعن مغشوشات والخشب مايلزم وابو العمارة جان
واكف وشاف الأساس وكع كدامه
ابويه.. وشسويتو
ئازاد.. مقبل دفع مبلغ على كد شغلنا وكال ماكدر يابه
هسه سمعتي خربت وهاي الشغله صارلهم هواي منتظريها

كلنا نسمع حجي ئازاد بهدوء
امي.. الله كريم يوم خيرها بغيرها
ئازاد.. يوم بعد محد يدز عليه من وره بلال
آران.. وسشوه بلال
ئازاد.. أريد الزمه مخلوني من حركة كلبي كمت اغلط
وافشر ومادري بنفسي
آية.. الله كريم ئازاد لاتيأس من رحمه ربك
دنحجي جان تجي نور ركض على ئازاد تحظنه
ئازاد من شافها ابتسم
اني شفت الوضع تمام صعدت لغرفتي علكت التلفزيون
وطلعت كارتون وظليت اباوع لحد منمت

"ثاني يوم"

كعدني ابوية وراح لشغله كمت غسلت وبدلت ومشطت
شعري وظفرتة وعزلت عل جدول وأخذت فلوس ابوية
يحطلي الفلوس على الميز مالتي وينزل ونزلت ركض
لأن اتأخرت ١٠ دقايق مشفت احد بالمطبخ لبست

حذائي وركض للمدرسة طبيت للمدرسة ماكو احد كلهم

صاعدين للصفوف صعدت للصف وجان اول درس رياضيات استأذنت ودخلت ومشى الدوام حاله
حال اي يوم عادي رجعت للبيت فتحلي الباب امي

وعلى وجها علامات قلق

نيار.. شبيج ماما
امي.. دخلي خلي اسولفلج
طبيت نزعت الحذاء طبيت للمطبخ جريت كرسي وكعدت
نيار.. خير يمه احجي قلقتيني
امي.. لج شريكة لاخوج واكع من السكلة من الطابق

الثالث

نيار.. وانتي شبيج خايفة عل ولد اكثر من اهله

امي.. لج ذابيها برأس اخوج يكلوله انته الوكعته

نيار.. شنو ليش ئازاد شعليه

امي.. البارحة مو ظل يعيط ويصيح ويكله الا اموتك
واكتلك مسولف لأهله واليوم واكع وأهله عشاير الله
اليستر

نيار.. يومه شبيج يمعوده ماكو شي
أمي.. كومي من يمي لاموتج هسه كووومي
اباوع امي تعيط ومحترك دمها