فصلية الشيخ جواد

البارت السابع

ريحانه.. تعالي كعدي هنا يمي

نيار.. صار خاله

ريحانه.. سمعيني عدل يمه

نيار.. يي كولي خاله

ريحانه.. يمه تريدين تعيشين بهذا البيت

اتجاهلي نسرين لأن نسرين حيل ضايجة منج

واني لأن ارتاحيتلج وشفتج فاهيه مابيج خير

تتعاركين فأخذي حذر من نسرين وشكد متحجي

عوفيها لاجاوبيها

نيار.. عادي خاله والله ماضوج منها

لأن اني حطيت نفسي بمكانها فهذا من حقها

ريحانه.. يي عفيه يمه لان جواد مابيه حيل مشاكل

نيار.. تمام خاله

ريحانه.. لاتصيحيلي خاله صيحيلي يمه

نيار.. انشاءلله يمه

صارت دنيه مغرب ونزلت شهد ونسرين

شهد.. نسرين اني سويت الغده العشه عليج

نسرين.. شهد كومي انتي باجر اني اسوي الغده والعشه

ريحانه.. يمه أنطوني اني اكشر وانتو بس كلوهن

همه ديحجون دخل جلال للمطبخ

جلال.. اكلجن جواد دك عليه كال لا يسون عشه راح

اجيب ويايه

نسرين.. يي همزين

ريحانه.. لعد شهد يمه كومي انتي ونيار نظفوا الغرفه

حتى تنام بيها نيار

نيار.. لا يمه ميحتاج اني انضفها وحدي بس دليني
عليها
نسرين.. شبسرعه صارت يمه

ريحانه.. بنهايته الممر

نيار.. تمام

رحت للغرفه فتحتها ضلمه علكت الضوه الغرفة

مرتبة بس متربة كلش نفضت الجربايه وختنكت

من التراب

جرباية ام النفر وكنتور ابو بابين وتلفزيون صغير

طلعت من الغرفه رحت للحمام اخذت السطلة مال

مسح ترستها مي وحطيت معطر وأخذت الوصله

وكعدت انظف وارجع ليوره لحد مصارت تلمع

والكنتور مسحته هم عليه تراب

علكت البنكه وطلعت حتى تنشف

وأخذت الوصله ورحت للحمام غسلتها وطلعت

داشرها انفتحت الباب مال كراج

دخل "جواد" شافني داشر الوصله

جواد.. لج طبي شعدج طالعه هنا (حجاها بعياط)

نيار.. داشر الوصله