فصلية الشيخ جواد

البارت السادس

نيار..

كعدت من النوم جسمي مكسر انداريت صحت ماما

واذكرت اني مو بيتنا  كمت من الفراش لميته وكعدت

عل تخم استحي اطلع اغسل وجهي نزعت الجبه

لأن البارحه مسحيت ونمت بيها انفتحت الباب

شهد .. هاا شو مطلعتي

نيار.. هاا لا هسه جيت

شهد.. راح تطلعين بهذا لبسج

نيار.. ليش شبيه

شهد.. جواد ميقبل وحده تلبس هيج

نيار.. هسه البس دشداشه

شهد.. يي لبسي طويله

طلعت شهد فتحت الجنطة طلعت دشداشه طويله

بس اتصير شويه لزك لأن ماعندي دشداشه عريضه

لبستها ولميت هدومي وطلعت مادري وين اروح

ظليت واكفة بالباب شفت جهال ديركضون

عل درج صعدوا واني بعدني واكفه

فاتت كبالي "جواد" باوع عليه من فوك ليجوه

جواد.. ليش واكفه هنا شدسوين؟

نيار.. هاا بس أريد اروح اغسل بس ماندل الحمام

جواد.. هذاك الحمام " اشرلي بيده"

مشيت وهوه بقه واكف

جواد.. دشداشتج بدليها

مشيت منداريت طبيت للحمام وسديت الباب

ممتعلمه احد يكلي سوي هيج وسوي هيج

غسلت وجهي وطلعت رحت للغرفه الي نمت بيها

ادور عل دشداشه البسها لكيت دشداشه شويه عريضه

طلعتها ولبستها وطلعت قويت كلبي ومشيت

لكيتهم كاعدين

نيار.. صباح الخير

جلال.. صباح النور

شهد.. صباح النور

من طبيت للمطبخ كامت "نسرين" طلعت من المطبخ

وجرت طفل بيدها

ريحان.. صباح الخير يمه

جلال.. تعالي كعدي اكلي كومي شهد سويلها بيض