سأتحمل عواقب عشقك

الفصل الخامس

بسم الله نبدأ..♡

༺༺༺༺༺♡༻༻༻༻༻

/ يا حلو صبح، يا حلو طل..
يا حلو صبح، نهارنا فل..

كان ذلك الغناء الصادر من خباز تلك الحارة الشعبية البحتة..

بينما قطع غنائه هتاف تلك الفتاة المرحة التي دلفت المخبز لتوها/يا فتاح يا عليم يا رزااق يا كريــــــــم

الخباز/أول مرة أنادي ع الحلو ويطل بالسرعه دي يا بت يا سوكا

لتجيبه الفتاه ضاحكة/تسلم يا عم رجب.. وبالله عليك بقى يا عم رجب لِمّلي 4 كيلو قرص بالعجوة

رجب/هتدفعي الحساب كله ولا زي المرة اللي فاتت

سوكا/عيب عليك يا عم رجب.. زي المرة اللي فاتت طبعًا

رجب/والله أنا لولا إني عارف اللي بتمري بيه يا بت يا سوكا إنتي والجماعه اللي معاكي.. ربنا يكون في عونكم يارب

سوكا/أهه يوم بيزق يوم يا عم رجب

رجب/وهتفضلي عايشه طول حياتك كدا؟! إنتي كبرتي وتقدري تهربي من اللي إنتي فيه دا.. وأنا لولا حلفاني ليكي، كان زماني مبلغ من زمان على المهزلة اللي بتحصل دي

سوكا/الوقت فات يا عم رجب.. دلوقتي ولا واحد من اللي فوق دول يقدر يعيش في ملجأ حتى، دا غير إن الزفت ليه رجالته ومش هيسيبونا في حالنا لو حصله هو حاجه من ورانا

ليومئ لها رجب بتفهم وهو يمد لها إكياس القرص..

لتأخذها منه ومن ثم أعطت له المال..

ليتعجب رجب وهو يأخذ منها الأموال، هاتفًا/أي كل دول يا سوكا؟!

سوكا ببسمة/دا حساب النهاردة والمرات اللي فاتت.. حسباهم من ساعتها

رجب/وجبتي منين الفلوس يا بنتي؟!

سوكا/ما تشغلش بالك.. المهم إنه ما يعرفش أني دفعتلك حاجه.. لحسن يقول إني بستغفله ويطلعه على جتتي

ليومئ لها رجب مؤكدًا..

لتلقي عليه سوكا السلام وتصعد بنايتها سريعًا..

دلفت للشقة المشؤمة التي هي وللأسف مأوى لها ولأخوانها الخمسة..

وما إن دلفت تجمع حولها أخوانها بسرعة البرق منتظرين منها الطعام..

لتبدأ سوكا بتوزيعه عليهم، هاتفه/أنا جايبه اللي يكفيكوا وزيادة..

ليقاطعها عتريس هاتفًا بسخرية خشنة/هو اللي اسمه رجب دا مش هيبطل يديكي بقى.. دا انا لو مكانه أقفل المخبز وأغور من وشك التنح