🔥قصة قصيرة: قلوب هائمة 🔥
♊لبارت 6♊من جزء المكتاب مامنو هروب♊
بن عيسى حاط يدو فوق كتاف يوسف لعراض مع ثقل لي تايهزو و زرع: واولدي راك كبير و شوف تبارك الله ولاو كتافك و قلدتك كبر مني و مانقد نختار مابين رجال غانتا لبنتي والاكين اولدي انا عندي غا هي و من بعدها ماكتب الله و نتا فايت فك زواج و كبر منها بشحال و زيد نتا تبغي لي تربي معاك لبنية وانا بنيتي يالله داخلة فل20 غرك نتا ف40 را واخة تبان لك فالعشرين را بنات زمان ماشي هوما بنات اليوم را بنتي ماتقد لا تراري لا تخرق (سكت مدة تايشوف فيه ضارب فوجهو ضو القمر هز راسو تايتنفس من نسيم ليل و دوا بخفوت مصبقو تنهيدة)واخة اولدي مادام جيتي عندي انا مانقد نرضك ولا كتابيتو فسما ماكاين لي يفرقكم فلرض انا ندوي مع لبنت و نجاوبك
بتاسم صدام و سنانو فيهم عوجاج خفيف بسبب كتمال ادراس العقل ففمو و قرب باس ليه راسو :واخا عمي الله اجعلني نكون عند حسن ضن ونشاء الله لبنية رالعيشة معايا ماتتشكاش منها
بن عيسى: يالله ابني سير لدويرتك انا غادي
➡️➡️➡️➡️➡️➡️رجووووووع⬅️⬅️⬅️⬅️⬅️⬅️⬅️
سلوى حشمات من باها و دارو فبالها شلا اسئلة:واينا بنيية واش هو مزوج
بن عيسى: واعلى معارفة ابنتي يمكن مرتو هربات ولا ماعرت تسطات شي تايقول هي مريم شمكارة خلات ليه بنية تربية لاقديتي تربيها كيما رباتك فطيمة مايلقاش حسن منك و دراري نعمة ونتي اش قلتي ابنتي
شدات فيدو وحطات كاس تاتاي وتاتلعب فشعر لي كاسي ضهر يدو من توتر :شوف اباباا لا بان ليك ولد ناس وغانعيش معاه بيخير قرارك هو لكبير نتا تعرف
بن عيسى: ايوة ابنتي نشاء الله نرض على ناس وانا را من بين رجال لا جيت نختار لك مانختارلكش من غيرو (قرب باس ليها راسها)الله يرضي عليه رافك بنتي و ختي و مي....(قلب صوتو ونبرتو من الجدية للمزاح و رفاهة ) انتفرجو فشي فيلم نوضي جيبي يزار بارد (ناضت)وا فطيمة وا خلي ديك لكوزينة تال غدا واجي حداية
جاية تاهي ماشي من العاگزين تضرب فهد طرف لداك طرف كي لعودة وشعر طوييييل تلاعت حدام معنقاه وقلبها باقي تاع مراهقة يضرب تاهي مني يقرب ليها حب قلبها
.........
هازة قنداشتها و دايرة زيف حياتي و تحتو لحامض و بطاطا و تاتوش وش مع مرا تكون بنتها : واشوفي كلمة جوج نتجوج واهانتي على ولد بغا يسطيني وبغا يجيب لي شي صلگوطة افتيحة
فتيحة : واش انديرو ليه امي دابا صافي بغا غا هزي يدك را دوا مع راجل وتي عارفاه تقيسيه فعيونو وماشي فكلمتو وسط رجال
الام قلبات وجهها مخنزرة ومسرحة فداك صالون لبلدي مبريد فيه غا سيمة مني شافتو داخل حاز بنت فعمر الرابع سنوات سعرها ناشف طالع ودايرة كوشة وعريانة فيها صهد تايضحكو : مال لوليدة مالها عمارت دار مقلقا
ظارت تاتغدد و مفقوصة: والمصخوط و باغا ديرها تاني و نجيب شي وحدة تشد لبلاصة وا من غير لينختار لك انا ماتختارش نتا
صدام تايراري ويسايس: واصافي الواليدة انا دويت مع راجل
الام: واهاهي فيا هاهي فيا و كرشي لي حطاتك ولي هزاتك من غير بنت العربي مادخل عليا شي وحدة (وقلبات و جهها تاتبوحط)اه راسي ؤاسي بغا يقتلني مسخوط مو اههه راسي جيبي الخل افاتيحة
يتبع غدا....ان شاء الله
أنت تقرأ
قلوب هائمة 🍁 (قصة بالدارجة المغربية)
Historical Fictionقصة جميلة شاركت بيها لمسابقة فمجموعة مختلف اللهجات Written by : Mim OuNa قصة قصيرة فحدود 30 بارت 🇲🇦🍁 قصة عن زواج ومعانات مع عائلة زوج القصة ماجبتهاش من راسي حيت كان عليا ضغط فالمسابقة داكشي علاش كتبت قصة رواتها لي جداتي *وقرائة ممتعة لجميع قارئات...
