قصة جميلة شاركت بيها لمسابقة فمجموعة مختلف اللهجات
Written by : Mim OuNa
قصة قصيرة فحدود 30 بارت 🇲🇦🍁
قصة عن زواج ومعانات مع عائلة زوج القصة ماجبتهاش من راسي حيت كان عليا ضغط فالمسابقة داكشي علاش كتبت قصة رواتها لي جداتي
*وقرائة ممتعة لجميع قارئات...
صباح لعروس دار عمرات بلعيالات لقراب مجموعين فصالون و تايضورو يشطحو على واحد طبگ فيه سكار و حنينة و لبيض و لفلوس و دهب و لفضة و مشيطة و اخبز ... ووسطهم خريقة فيها دم تايطبلو و يشطحو عليها فداك لبيت صغير لمرد
جالسة ولعقل غايب وغمة كبيرة فقلبها حاسة براسها بحالى كانت مرتاحا تاتلعب فكتافها و فجئة تحط جبل معيار ثقير على كتافها و نضرات و تصرفات عدوزتها ماكانوش طبيعين غاتضور و تخنزر فيها دازت دميعة من عيونها و هي تاتشوفهم بالعرض البطيئ تايشطحو على دم و قمة تخلف لعيالات كانت فكرة ان العائلة لي ختارت غلط مأثرة 100%100 على عقلها وفكرها
و خالتها حداها ماعجبهاش لحال فاش شافت بنتها فين باتت و فين غتعيش و لا حتى معامن قلبات ليها و نوضاتها بشوية عليها غادية بيها لجيهت طوالية
فتيحة ديك ساع نغزات مها : فين غادة اختي فطيمة
فطيمة : غابقاي اسعيدة انا نديها لطواليت و نردها ...ومشات
دخلاتها لطواليت و ردات لخاميو و نزلات تاتقلبها و علاش ماقاداش تحرك و فيما تدخل دير بيبي تاتحرق ....نزلات تاتقلب فيها لقاتها طايبة من لتحت : الله على بنيتي الله طيبك واش دار معاك بجهد و لا بشوية
سلوى فيها سخفة اصلا: ماعقلتش كنت دايخة
فطيمة نزلات ليها حوايجها و خرجاتها من تم قلبها تاياكلها : واخا حبيبتي واخة انا نخرج ونجيب لبنتي دوا لا طلع لك سخانة الله يرضي علك
رجعات جلساتها فصالون ..و هي دخل امينة بفراشة و فيدها طبگ مشكل بالفروي ومشات تاتبوس و تعنق ف صاحبتها و عخشات حداها تاتوكلها من طبگ
تجمعات الحفلة و كولا شد طريق لدارو و تفرقو لحباب و جماعة جالسة معاهم فالميدة تاع لعشا وتاتاكل وتوكل صافية هزات الموس تاتقطع الخبز و بدون تركيز تقطع القلع تاع الميدة حسات بغوتة صمكات ليها و دنيها : ويلي ويلي شدارت بنت الهم قطعاتلي لقلع دير 600 ريال على قبل خبزة ب 10 دريال فتيحة : دابا نجيب لصقة و نلصققو سعيدة شافت فولدها: ويلي ويلي عيا مايختار و دا بنت المختار ضو دابا شندير مني يدخلو عندي ناس نعار سابع شنحط ليهم سلوى مافهمات والو بقات غاكاضور فعيونها مافهمات والو وصافية بدات تبكي تخلعات : انا ماقصدتش والله سعيدة: لالا نوضي ضربيني ولا دابا قد القب قد سطل نوضي ضربيني حسن نوضي قليلة ترابي ....و ناضت خرجات و تبعاتها فتيحة
شافت فصدام متسنيا منو مواسات او كلمة دفاع عنها ولاكين صدمها بكلامو
