🔥قصة قصيرة: قلوب هائمة 🔥
♊لبارت 4♊من جزء المكتاب مامنو هروب♊
ضارت عندو بهدوء و حشمات حشمات تاماتلات قدات لدرجة باغا تسولو على باها ولاكين خانوها حروفها و كلماتها ... صوتها عيونها بقاو نازلين ماطلعوش
عاود سؤالو وهاد لخطرة بصوت اقوى من لي قبل دخل لمسامعها بحال سههم صوت مبحوح رجولي : شنو تاديري هنا؟علامن تاتسولي ؟
سؤال الاخير لي سولها بحالا عطاها حبل نجات يعتقها من بير الحشمة لي غرقات فيها ....هزات عيونها زورق فشخص لقلدة امامها كان يدير من طولتها جوج و عريض لعرق نازل من جبينو و بعض تجاعيد و موسطاجو ولحية خفيفة مزينين وجهو حجبانو كتااااف و طوال و مقرونين وعيونو سود....جميع لكلمات لي جمعات فعقلها ونزلاتهم لحلقها تلفو وهي تحت نضرات عيونو : على على بببابا جبت كسكسو
صوت من وراها كان بلغوات :وا بنت بن عيسى جابت كسكسو وااا بن عيسى وا بن عيسى
طل باها من مكان بعيد لابس شورط و تيشورط غاسمع شنو قال لعطاش لي معاه جا تايجري وتايعكز على رجلو و لاوي شرويطة على شي جرحة عميقة فرجلو
تمشات متاجهة عند باها متجاهلة شخص لي تبعها بعيونو لي شعات بالاعجاب تجاهها.....بخوف تاتشوف فباها ورجلو : بابا واش رجلك تاضرك
بن عيسى : لا ابنتي غا واحد لحديدة طاحت عليا مني كنت فالمطحانة (دور عيونو فرجال ليحشمو من وجود بنت معاهم ودوز يدو برضا على بنتو) يالله طلعي لدار شكرا على الامانة
حركات سلوى راسها و عطاتو لگفة و مشات تاتجري عند امينة ماتنفسات تاتلاحت عليها : ناري قداش كتافو كبار و طويل اففف قلبي طاح بين رجلي
امينة : شكون هادا شسميتو
سلوى : ههه وباش انعرف ياه هاد لخرية تاهي زيدي زيدي نمشيو للكرمة نشوفو كرموس لالقينا شي حبات طايبين
كانت طريق طويلة شوي تاوصلو لواحد لفيرمة .. دخلو جنان تايتسلتو ....سلوى طوات جلابتها و و امينة طلعات لشجرة كيلقردة تنتف و تلوح لسلوى و نزلات مشاو للمزاح نفس شي ماحسو تا خرج ليهم راجل قرفد سلوى شدها من جلايل و زيفها: هااا حصلتو يا شفارات
سلوى رجليها فشلو و دموعها فرررررر دغيا نزلو : عاافاك اعمي و هاد جمعة يعطك ستر عافاك بلا ماتشوهنا عافاك والله مانعاودو واحق الله الله يعطك شي صندوق دهب
امينة تخلعات ماحسات تاجرات عرش طويل عامر مزاح هرساتو بقات معلقة فشجرة وتاطلب تاهي: عافاك اعمي ونقسمو معاك الله يعطك لي بغيتي وهاد جمعة را بيبان سما محلولة والله
راجل كبير فالعمر و محني حسب لحدبة لي فضهرو : نزلي ساروت عند باك والله يابوكم و باقي نلمحكم تانوريكم يالله تحركو
نزلات امينة من شجرة فرحانة تاهي حسابها غايطلقهم غاتشدها تاهي : يالله تحركو قدامي عند مول دار را غاتخرجولي على خدمتي
سلوى: ياك اعمي نتا قد هاكة و تاتكدب هئ هئ مادرتي لا بحساب شيبك لا يحساب صغرنا ولا موسطاجك لي نعمرو بيه سدادر
دافعهم وتايضحك و زير على كلمتو : زيييدو والله ياباباكم ليلة لى فلتو
امينة شوي وتبول فسروالها : والله اعمي ماقلت لدار را خرجت ..(تاتشوف فسلوى قودوها قودوها لاهمى ياكلو لمزاح و يبكيو ).. سلوى عداك تطلقي جلايلك يطيح لمزاااااح هئ هئ عافاك اعمي والله مانعاودو
يتبع ......
أنت تقرأ
قلوب هائمة 🍁 (قصة بالدارجة المغربية)
Fiction Historiqueقصة جميلة شاركت بيها لمسابقة فمجموعة مختلف اللهجات Written by : Mim OuNa قصة قصيرة فحدود 30 بارت 🇲🇦🍁 قصة عن زواج ومعانات مع عائلة زوج القصة ماجبتهاش من راسي حيت كان عليا ضغط فالمسابقة داكشي علاش كتبت قصة رواتها لي جداتي *وقرائة ممتعة لجميع قارئات...
