وانا في المستشفى منتظرة النتيجة
قاعدة على اعصابي ومتوترة شديد حاسة انو في شي غلط حيحصل
ابوي يقوم ويقعد ، يطلع برا ويدخل ويجي تاني يقعد كان متوتر شديد مع انو كل مرة بمرض وبجي بفحص وبنتظر النتيجة وبكون عادية
المرة دي متوترة شديد وابوي زاتو متوتر يمكن عشان هو دكتور وعارف اعراضي دي اعراض شنو بعد مسافة ندهو اسمي
اسلام ازهري حمدي اتفضلي النتيجة وادخلي
بقيت اعاين ل ابوي شديد وكأني بقول ليهو ابوي انت عارف انا معي شنو صح؟
دخلت وابوي معي
مديت للدكتور النتيجة وعاين فيها شديد
وقال بصوت لاحول ولاقوة الا بالله العلي العظيم
اسلام معليش شديد على الحاقولو ليك بس انتي مصابة بكانسر ' سرطان '
بعد الكلمة دي انا لا بقيت سامعة ولا شايفة اي شي
احساسي كان في محلو انا كنت حاسة انو في شي غلط حيحصل لي
عاينت ل ابوي لقيتو منهار على الاخر
عاينت على الدكتور وقلتا ليهو الحمدلله على كل حال
بس سرطان وين
قال لي فالرحم .....
ياربي!
-------
قصتي غريبة عن كل القصص
اسلام .. عمري 21 سنة بقرا في تالتة جامعة
عايشة في وسط امدرمان 💘
بت واحدة
امي اسمها امنة ربة منزل , بناديها الجنة ,
وابوي دكتور , مسمياهو وجيه علاقتي مع اهلي علاقة مليانة بالصراحة والوضوح وهم اقرب لي ناس
وضعنا وسط والحمدلله
زي م قلتا قصتي غريبة شديد ومعاناتي بدت من يوم اكتشفت اني عندي سرطان
كل الحاجات فجأة بقت ضدي
انا زواجي قرب من الانسان الانا من زمان متمنية اعيش معاهو واكون حلالو
مرتبطين تلاتة سنوات وخلاص عايزين نتوج قصة حبنا
----------
كرم عمرو 26 شغال تاجر في السوق وماشاء الله والحمدلله وضعهم فوق الممتاز
ولد واحد وسط تلاتة بنات امو وابوهو متوفين
_______________
ياربي!
قلتا للدكتور المرحلة الكم؟
قال لي والله يا اسلام انا اسف ع الكلام الح اقولو انتي في المرحلة الرابعة
