رغم اني داخلة عملية بعد يومين لكن انا مبسوطة من الحصل ولو مت ح اموت مبسوطة انا متأكدة ، امي قالت لي سرحتي وين هاك اكلي السلطة دي ، أكلت واتكلمت معاهم شوية كدا م اشوف الا ام اشرف واختو داخلات علي ، امو جات قالت لي ، مرت ولدي انا يا يمة كنت مخططة لعرس ولدي تخطيط ، بس عاد اقول شنو
جاتني رباب وقالت لي م تشتغلي بي كلام امي كتير ، انتي هسي كيف ؟ قلتا ليها كويسة ، كويسة شديد وانتي كيفك ؟ قال لي الحمدلله
حقيقة كدا اخت اشرف كانت كويسة شديد بقت قاعدة وتونسني وام اشرف قاعدة وتعاين لينا بكل صراحة قالت انا والله جيت عشان خاطر ولدي انا م جاية لي اسلام ولا معتبراها اصلا مرتو
رباب قالت ليها امي؟؟
بعد مسافة كدا قالت لي منار ومنال سألتهم من اسمائهم؟
ردو ليها وقالو ليها اسمائهم خالة رحاب قالت ليهم سبحان الله سماحة اسم وخلقة واخلاق ياربي اشرف ولدي دا م بشوف لو شال اي وحدة منكم ما كان احسن سكتت مسافة وبعدها بصوت واطي قالت احسن من الجثة دي
انا سمعتها حرفيا وكل الفي الغرفة سمعوها
انا حرفيا الزعل ملاني خلاص
رباب مسكت امها من يدها وقالت ليها بعد دا نطلع ورح
طلعوا وامي قالت لي شوف بجاحتها؟
قلتا لي امي انا م عارفة مشكلتها شنو ولا اشرف اصلا راضي يوريني امو دي مالا قالت لي كلنا م عارفين هي مالا وبتمنى اننا نعرف لانو حقيقة كدا الوضع لايحتمل ..
يوم السبت كان عندي اجراءات واختبارات مفروض اعملها قبل م ادخل العملية وحاجات كتيرة شديد كان القايم بيها كلها دكتور اسمو دكتور احمد ف لمن جا يفحص لي الدم سألتو من اشرف وقال لي انو م حيعمل ليك العملية ح اعملها انا لانو اشرف حاليا ماسك حالة خطيرة شديد قلتا ليهو الحالة الخطيرة دي كانسر قال لي لا قلتا ليهو طيب اذا م كانسر علاقتو بيها شنو
قال لي احمد دا دكتور عمومي يعني هو البقوم بالعمليات الصغيرة والكبيرة والحالات الخطيرة وهو مسك الحالة وحيتابع معاها ، قلتا ليهو يعني انت حتعمل لي العملية
قال لي خايفة اقتلك في العملية ولا شنو ، م تخافي ، طيب حصل سمعتي بي جراحة اسمها الجراحة التنظيرية او جراحة المناظر قلتا ليهو ابدا قال لي دي الجراحة الانا ح اعتمدها ، حاجة ساهلة شديد حتى م بتاخد مننا وقت كتير
قاطع كلامنا صوت اشرف وهو بقول ، انت طالما بتحكي ليها عن طريقة العملية يبقى بتخوف فيها ، افحص ليها وقوم يلا
حرفيا لمن شوفتو انبسطت شديد ، سألتو من امس لي م جيت شفتني ، قال لي في وحدة سممت نفسها عملنا ليها غسيل معدة ، عمليتها كانت متعبة شديد قلتا ليهو لاحول ولاقوة الا بالله
