Carren...
(May tugma at na walang sukat)
Tahimik kapag hindi ka kilala
Tititigan ka lang at hindi bibigkas ng isang letra
Hindi siya maingay kagaya ng iba
Ngunit mapapatula ka sa mga lumalabas sa bibig niya
Naalala ko noong kami'y nasa kolehiyo pa
Sa tatlong pirasong Siomai,kami'y busog na!
Sapat na ang kalalakad, kwentuhan, tawanan
Sa Burnham man o sa paradahan
Simple lang ang mga isinusuot na damit
Masaya na siya basta may iginuguhit
Kontentong nakikinig sa mga hilig na musika
Sabay na sinusuri ang panonood sa mga pelikula
May sariling mundo kapag kami'y nagsusulat sa aming kwaderno
Tinuturuan niya ako kung paano kumuha ng tamang litrato
Hindi maingay , madaldal at makulit na kagaya ko
Ngunit kapag nanermon ika'y mapapatahimik, sigurado ako!
Siya'y pinapahalagahan ng mga kaibigan
Maraming responsibilidad pero hindi napapagod na ika'y paalahanan
At kung maiparamdam niya ang kanyang pagmamahal
Hindi kayang bayaran kahit ginto't bakal
Kahit kami'y tapos na
Kahit siya'y butihin ng ina at ako'y NBSB pa
Siya parin si Carren Mae Marano na aking kakilala
Ang hindi nakakalimot kahit ako'y madami ng kasalanan sa kanya
