Oy! Ikaw Juan!
Project, home-work, exam
Ito ang nirereklamo kaibigan
Hindi naman tinatapos walang paki-alam
Oy! Ikaw Juan!
Bagsak ang resulta puro dahilan
Huli sa klase, minsan lumiliban
Gabi umuuwi parang tinamaan
Sulsol ng barkada napahamak ka na naman
Oy! Ikaw Juan!
Katamaran mo'y hindi maiwasan
Palagi ka na lang umaasa kay Batman!
Kaya grado mo lumagapak na naman
Oy! Ikaw Juan!
Utang na loob gumising ka na sa katotohanan
Sapagkat hindi ka uusad kung hindi ka gagawa ng paraan
Matatapos na ang mga ka-klase mo wala ka pang sinimulan
Oy! Ikaw Juan!
Ilang taon ka na sa kolehiyo kaibigan
Hindi ka na ba nahiya kailanman?
Hanggang ngayon walang pagbabago, walang napatunayan
