طفل القمر (عندما تتحقق الاساطير)

الفصل التاسع

كانت جينا تجلس في مقهي ما و هي مندمجة في هاتفها حتىَ جاء ياسين أمامها فجأة و سحب مقعد حتىَ يجلس رفعت هي نظرها من هاتفها ووجدته لتقول:
" أنتَ مراقبني بقي "

ياسين بسخرية يقول:
" اتنيلي ده هو انتِ حد بيطيقك أنا جيت هنا صُدفه مش أكتر "

جينا بحنق تقول:
" يخربيت قله الذوق اللي عندك هي قله الذوق دي وراثة ولا صفة مكتسبة "

ياسين ببسمة و كأنها تمدحه يقول:
" صفة مكتسبة و اتطورت مع الوقت "

جينا بهدوء تقول:
" طب ينفع تقوم من هنا عشان بصراحة أنا ما طايقة أبصلك حتي "

ياسين بهدوء يقول:
" و تقعدي لوحدك؟؟! لا مينفعش طبعا هقعد معاكِ "

جينا بسخرية تقول:
" يالهوي اوعاا الشهامه اللي بتنقط منك قوم بقي "

ياسين بسخرية تقول:
" محسساني اني قاعد في كافيه ابوكي أنا أقعد في المكان اللي أحبه خدي بالك "

جينا بجمود تقول:
" روح اقعد في اي حته تانيه متقعدش معايا"

ياسين ببرود يقول:
" ملكيش دعوه "

جينا نظرت له بخبث وهي تقول:
" ماشي أنتَ اللي بدأت "

و في ثوانٍ صدح صوت صراخها المرتفع في المكان  " يالهوي ياعالم الحقوني بيتحرش بيا فين الرجولة فين النخوة الحقوني "

نظر لها ياسين ببرود و ما تفعله و وجد الناس تقترب منه

إمرأة كبيرة في العمر تقول:
" عيب عليك يابني أعتبرها زي أختك "

راجل متوسط العمر يقول:
" أما انتو جيل فاسد بصحيح و في نص النهار قوم امشي من هنا بدل ما اجبلك الشرطه "

شاب يقول:
" قوم يا قلب امك قوم لحسن أعمل فيك حاجة  مش هتعجبك "

ياسين ببرود يقول:
" خلصتم خلاص كل واحد خرج اللي كان محشور في زوره؟! دي مراتي و هي عقلها مفوت حبتين "

نظرت له جينا بصدمة

المرأه الكبيرة في السن تقول:
" فين قسيمه الجواز  وريهاني"

ابتسمت جينا بإنتصار

ياسين ببرود يقول:
" مش معقول يعني همشي بيها كده في الشارع و بعدين زي ما قُلت عقلها مفوت حبتين  "

نظر له الناس بتصديق بينما جينا نظرت له بعدم تصديق بينما الناس قد ذهبوا
نظر لها ببرود و جلس وهو يضع قدم فوق الاخري بينما هي نظرت له بيأس و ذهبت