شفايفهُ كرز!

١

أوس!

جان بلشغل ب ٧ الصبح في احد البيوت الغير مكتمل بنائها يضرب كرك جان ديحضر بلخبطه وابوه خابره:أوس!

كال وهو يجر النفس بسرعة ويلهث

أوس عقد حواجبه بستغراب:هلا يابه؟

ابو أوس:امك صعد السكر عدها جيب تكسي وتعال ع السريع

أوس اتجه على الكرك ومال خصره:صار دقايق واني يمك

وسد التليفون تنهد بثقل واستياء وراح بحاجي الخلفه الي يرزل ب العمال:يلا عيني ست ساعات تتريكون ماعدنا لعبة طوبه هذا شغل مو لمن توصل يم الكرامه تفتحلي حلكك الجايف!

اطلق كلماته السوقيه والمسيئه بنزعاج وبصوت عالي بارز روحه گدام ابو البيت جان رجال جبير كرشته ناطه حاط ايدينه وره ضهره ويهز براسه ب ايجاب على كلام الخلفه المهين والعمال لابسيه كله علمود ااخمسه وعشرين والعشرة الي بحصلوهن،تجاهل أوس كل هذا وتقدم واگف گدام الخلفه وگايل بعد ما بلع ريگه:العفو بس الوالدة صاعد السكر عدها و الوالد خابرني كال لازم اجيهم ف اني اشتغلت مالت البارحة بس ما خذيتها بقت مالت اليوم اجيك بعدين اخذها..

باوع له بنزعاج من حلاة الثاني وملامحه الهادية،قارنه ب ابنه وجان واضح فرق المقارنه:لا عيني ابوك يمهم ويتدبر الوضع ماعندي اني شغل ساعتين انطيك عشرين الف ماكو هيج حجي

أوس اعترض:البارحه نضفت البيت كله والسيرامبك بقت بس التواليت البره جنت دسويله خبطه حتى نلبخه بس قدر وصار شسوي ميصير تاكل مالت البارحه...حجي!

گال حجي (ويعني بلمصطلح العراقي رجل كبير بلعمر) بعادة من عنده انه اذا ما بعرف اسم الشخص المقابيله او يكون ما منتبه يگول حجي

الخلفة تخوصر:شنو لك فرخ؟هاز كاروكك شني حجي وبعدين هذا الموجود ماعدنا غير شي

أوس تعب وتأخر على اهله لذا اختصر ودار عيونه على ابو البيت:خالي لخاطر كل عزيز عندك گله خل ينطيني مالت البارحة وكلمن بطريقة ليش تاكلون مال حرام

ابو البيت بتهجم:امشي لك الي گاله الخلفه صحيح تشتغل يومين ننطيك المالات كاملات لتضل تاكل بخراك واذا متشتغل يومين متقبض ولا ربع دينار

أوس احتدت عيونه:انطوني هل عشر تالاف لا اكلب الدنيا عليكم!

جان اكثر شي يكرهه اكل الحق بكل برود وتعجرف

الخلفه بصراخ:لك فرخ الك خمس دقايق تطلع من المنطقة لا اصيح الولد علبك يجنزوك

أوس صيح عليه بعصبية:اصيح الشرطة عليكم وعلي

واحد من العمالة اجه الي جان ويا أوس البارحة:هاي شكو أوس شبيك تصيح؟

أوس باوع للولد:لك هذا ايريد ياكل عليه مال بارحة لان اليوم ما اشتغلته

العمال يحاول يهديه:بس اهدء شبيك تصيح عمي اني ادفعلك هل عشرة الالف بس اسكت

أوس صرخ:لك اني مو ع الفلوس على ولد الحرام الي ياكلون حرام

العمال:اوس حبيبي اهدء فدوة لعينك لتسوينه مشكلة جبيرة على شي صغير

الخلفه راد يتقدم يضرب أوس بوكس بس واحد من العمالة جره بكل قوته وصاح البقيه واجوي ثنين كمشو من جتفه مانعي من ضرب اوس وابو البيت ركض صاح ولده واجوي ثنين
طبعا أوس من شاف الخلفة يصيح ويغلط عليه ما تحمل شمر الكاسيته (شفقته) بلگاع وكمز على الخلفه.......

ــــــــــــــــــــــــــــــــــــــــ
اهلا

طبعا بلحيل كتبت هذا البارت لان تعبانه مال قرايه ف اعتذر على قصر البارت

وعلى عدم تحديث البقيه بس تعرفون دراسه ومحد ملحك

شنو رأيكم بصراحه بيها

وبس💙