شفايفهُ كرز!

٣

صعد أوس بستعجال ساد الباب وراه وكذلك الثاني محرك السياره متوجهه للعنوان الي وصفه اليه أوس وبين ما جان يسوق:ليش ما أوديك يم دكتور صاحبي زين؟

أوس يباوع على الطريق:لا مشكور نعرف طبيب زين ومستمرين عليه وهو سكر مو فد شي

رد الثاني:لا بلعكس الدكتور الي اعرفه كلش زين جربه ليش تروح لمستشفى وبس تلعكون لها مغذي وترجعون..

تنهد أوس بتعب وتمتم:غالي وما راح ادفع ولا اخليك تدفع لذا سوق وانت ساكت..

همهم الثاني:زين متريد تعرف اسمي؟

أوس نفى:لا ميحتاج ماعندي شي وياك مستمر

ابتسم:اسألني زين

نفى أوس وتنهد الثاني ورد:أكبر اسمي أكبر

ما اهتم أوس ودار عيونه للطريق يباوع بملل

أكبر بسخرية:تصؤفاتك مو مال عمالة ذولاك متواضعين انت تصرف مال طاگين

أوس نزعج:شسوي ابوس ايدك؟ كاعد وساكت حلكي ما فاكه

أكبر بنبرة هادئة ومايلة للمزاح:مداحجي على الكلام بلعكس هادء بس التصرفات كلك غرور وشموخ واني اعله منك المفروض اني اسوي هيج

أوس وهو يهز رجليه بتوتر على حالة امه طول المدة الي جان بيها يحجي الاكبر ما انتبه حتى شنو حان يحجي لذا تمتم بخفوت:شوكت نوصل شو طولنا..

الاكبر فتح مبايله وحجه بثقه:مباقي هواي للمستشفى مو انت تريد؟

أوس فتح عيونه بصدمه خفيفه من الي سمعه وصرخ:يمعود لأهلي يا مستشفى!

الاكبر باوع له:ها؟ مو كتلي للمستشفى

أوس عدل كعدته بسبب جان طامس ب الكرسي بسبب راحته جانت مريحه.. وحجه ويا الاكبر بعصبية:صار اك مدري شكد تسوق غير تسألني

الاكبر كال بحده:لتصيح لك! وشمدريني بيك مو كتلك وكتلي للمستشفى..

أوس استغفر ربه بنزعاج:اطبك خالي اطبك اروح ل اهلي بتكسي اشرف لي

الاكبر داس زر من يمه غالق ابواب السياره كلها والجامات كذلك ضغط زر دار اوس عيونه عليه وعاقد حواجبه بستغراب،تجاهله الاكبر وكمل يسوق بهدوء وساعه يراسل ب التليفون ويرد على الرسايل ساعه يركز على الطريق تنهد اوس بتثاقل:أنت شتريد مني؟ وين موديني؟ خليني اولي ل اهلي عاد ابتليت وصعدت وياك

الاكبر بتبرير مستفز:دارفرها وارجع لأهلك شبيك عصبي حاط قابل هزاز بطيزك؟ ومناك اوديكم للمستشفى

أوس رفع حاجبه:هزاز بطيزك؟

بنبرة سخرية ودار عيونه والثاني ابتسم بجانبيه على الفكره الي اجت براسه..

كملو الطريق بصمت بدون اي كلام زايد و وصله اكبر لباب بيتهم نزل الثاني دك الباب وفتحه اخوه البالغ من العمر خمس سنين تجاهله وطب جوه يدور على اهله ما لگاهم اما الصغير ضل يلعب ب ايده ببرائه ويباوع ع السيارة انتبه اله اكبر وابتسم له،فرح وضحك ضل يصفق ب ايده وسط خبصة أوس الي كلب البيت يدور غرفه غرفه ويصيح بس ماكو احد.. راح ركض للباب نزل لمستوى اخوه الصغير وحجه:حفص اهلي وين احجي بسرعه

حفص:بابا ماما راحو ل مستشفى انت تاخرت..

كال بتلعثم تنهد أوس وحجه:شلون عافوك وحدك لمياء وينها لعد..

حفص تمسك ب حدايد الزخرفه الي ب الباب مالهم وحجه ببرائه يباوع على اخوة ترة وترة يباوع على الاكبر حسه شي غريب :بابا خابر عليها وكامت تلطم وراحت لخالاتي..

نقبض گلب أوس على الي سمعه وبدون تفكير طلع مبايله من جيبه يخابر ابوه خابر اكثر من مره بس ماكو رد ورصيده نفذ.. ضل يتصل تاخر ف نزل الاكبر مستغرب شبي متعرق ومتوتر ومنخطف لونه تقرب منهم وحفص فرح بداخله ما يدري ليش حس الاكبر مثل الابطال الي يشوفهم ب التليفزون...

اكبر باوع على أوس الي شوي ويوكع بلكاع: ها بشر  ؟

أوس:ش ابشر اسكت انت بس

ابتسم بغرور ونزل لمستوى حفص الي حس بي يياوع عليه وشاله والثاني تمسك بقميصه وهو يضحك ابتسم له ودار عيونه على أوس الي رفع المبايل ل اذانه ودنوعه تنزل:لمياء اححي لخاطر ربج لتضلين تبجين امي شبيها؟

لمياء تبجي وتلطم يم بيت خالاتها اجت خالتها الجبيرة سميرة واخذت التليفون وحجت وهي تبجي على اختها:أوس يمه امك راحت من ايدينه

أوس دموعه صارت شلال:احجو الخاطر الله شبيها امي؟

كال بصراخ وعصبية وهو يبجي بحركة خايف ليطلع الي بباله صح وحجت خالته وهي تبجي: ماتت...

ــــــــــــــــــــــــــــــــــــــــ 
مساء الخير

بلنسبة ل الامراض راح اتجاهل كتابتها للن ماعرف شنو من شعور يجيني واني اوصف المرض وشخص انصاب بيه وراح ضحيه له ف تجاهلو هذا الموضوع ولتركزون بي ما استبارك من اكتب اسم مرض وحتى لمن اقره شي والكه بي اسم مرض اتخطى ع السريع ماحب شعور ما شلون يجني مو حلو:')

تجاهلو الاخطاء الاملائيه

واتمنى استمتعتوا

وبس💙