شفايفهُ كرز!

٤

أوس وكع بلگاع من سمع سميرة شنو كالت ودموعه تنزل وكع المبايل من ايده وايده صعدت لراسه يضغط عليه توتر الاكبر وما عرف شيسوي نزل لمستواى وحاجاه:شبيك؟خو ما صار شي على والدتك

حجه بين شهكاته ودموعه وهو يباوع بعيون الاكبر:توفت..

وعيونه الزجاجيّة تلمع من الدموع يياوع على الاكبر ويعض على شفته بقهر بدون مقدمات سحبه الاكبر لحضنه منزل حفص الي وكف بعد متر،ساحبه لحضنه مخلي راسه على جتفه والثاني يبجي وحاضن لاف ايدناته على ضهر الثاني الي بادله وهو يمسح على ضهره بطوله ناوي تخفيف عنه مصيبته وحالته الهيسترية ب البكاء ضلو على هذا الحال ربع ساعه انتفخت عيون أوس وخشمه احمر وسكت دم قليل وشفته ترتجف فصل  اكبر الحضن وحاول يكومه ما يعرف وين يتجه بي بلظبط لذا دخل للبيت مدخل حفص وياه وساد الباب... كعده على الكرسي الي ب المطبخ متوجه يصبله ماي،غسل الكلاص وقلبه وراح للبراد ضاغط على البارد ممتلئ الكلاص وموديه ل أوس الي اخذه يشربه وهو يبجي،وكف اكبر كباله نقهر على حالته:زين هسه شنو؟ يطلعون للنجف حتى يدفنوها؟

اومئ أوس وهو يبجي:مداصدك اكبر مداصدك اخخ احس حيلي نهد شلون امي تروح بكل سهولة شلون

رفع اوس جفوفه يمسح دموعه الي اسمترت بلنزول.....طول وضعهم فوك الساعه و الاكبر جان يدخن واوس متكور على روحه وضام ايديناته ويبجي بهدوء تام الدمعه ينزل على خدوده الي نكلبن حمر وشفايفه الي جانت بلون الكرز بلظبط وصغار الشي الي جذب اكبر وحاجاه وهو يباوع الهن:شنو رايك اخذك مطعم تاكلك لكمه ولو شي خفيف حيل وشوي تغير نفسيتك..؟!

ساله بلطف محاول يطلعه من جو الكئابة نفى اوس برفض:ماريد عوفني وروح...

رفض الاكبر:لا، شلون اعوفك واروح وانت بهيج وضع؟

اوس باوع عليه وعيونه تدمع:شتريد تسوي يعني؟

اكبر رجع ضهره على الكرسي:اساعدك.. ب اي شي اكدر عليه واضل وياك لحد متتحسن حالتك..

اوس دار عيونه وتمتم بيئس:متتحسن،هي من البداية هيج ومن راحت... نزرب بحياتي بعد ميصير الها جاره..

اكبر:معناها راح اضل وياك للابد...

اوس:سوي التريدة كلشي ميهمني

سكت وما حاجاه موساةً لوضعه الكسيف دفن راسه بين رجليناته وضال يبجي وشهكاته تطلع مرد كلب الاكبر بس جان يدخن بهدوء خلص الجكاره السابعه وطفاها على الميز حالها حال خواتها ونفخ الدخان بجهة اوس وبس نفذ الدخان من صدره حاجاه:شنو راح تسوي احجي لي حتى اعرف شسوي ترة البجي ميفيدك وعندك وكت غير هذا عود ابجي بي...

رفع راسه يباوع ل الاكبر عيونه مورمات حيل وتمتم بضعف:ماعرف..مادري....

تنهد بتثاقل  وكام من مكانه حاجي بهدوء:انطيني ورقه وقلم!

ما جان ل اوس ردة فعل جان واهسه مكسور من كل شي حتى ميريد يعرف شراح يسوي بيهن لذا اشر رافع ايده بتعب ماشر ب ابهامه على خانه من الكاونتر(هذا الي يحطون بي المواعين صحون لكن خانه فارغه) متوجه الها الثاني ساحب دفتر وقلم جاف جان موجود يداخلها شاك ورقه بحجم متوسط وبادي يكتب شي...خلص وتوجه ل مكان اوس حاط الورقه على الميز مال طعام وخاجي بهدوء:هذا عنواني من تصير زين تجيني وراح اخذ اخوك وياي...وما اتوقع الك عين ترفض..

عقد حواجبه:شنو تاخذ اخوي ياهو انت؟(من هو انت..)

أكبر بثقه:اكبر!

كال ماشي لجهة حفص الي يلعب ب الطرمه كاعد على الكاشي ساحبه لحضنه وشايله طالع من البيت بكبره متوجه لسيارته مكعد حفص ب الكرسي الثاني بلمقدمه وساد عليه حزام الامان ومحرك سيارته متوجه لبيته...

ــــــــــــــــــــــــــــــــــــــــ

الي قارين الرواية توهم حيستغربون
وين المضاهرات بلموضوع😂

بس صبر يجيكم الحجي(كلام) بعدين

شلونه البارت

قيمو هاي الروايه من خمسه

وبس💙