المتملك والعنيده الصغيره

بارت 6

سمر: اتمنيت القتل مو حرام جا نمت بخوانيكه واموته واخلص منه بس مااكدر

نزلت واني ات اف اف ركعت الباب سياره بكل قوتي وكعدت يمه اول ماكعدت سحبني من ايدي  حيل

هشام: تدرين شيرادلج!! اعيد نضامج من جديد والله الخليج تحجين ويه روحج

سمر: يحجي وصاك على اسنانه صدك خوفني حرك سياره وطلعنه للنجف دنيا ضهر وصيف وحاره تسمط سمط واني دخت كلش حتى مااتغديه وطريق طويل ومااتحمل وراح اتقيه (تكرمون) كوه صابره ادري بيه تلعب نفسه من احد يتقيه كدامه وصلنه للحله واني بعد ماتحمل كلش حطيت ايدي على حلكي واشرتله بمعنى نزلني والله شكد اتمنيت اتقيه بحضنه واخرب كشخه مالته حتى بعد يتوب مني ويجبرني على شي اني ماريده

وكف السياره على صفحه نزلت على سريع كمت اذب من راسي ولاول مره يجي يمي ويتحمل منضر جابلي بطل مي

هشام: مدي ايدج اصبلج وانتي غسلي

سمر: من صدمه ضليت صافنه عليه مقعوله هو
جاي يصبلي مي لو جاي اتخيل

هشام:  اشلون بويه اليوم انبات هنانه همي روحج ورانه طريق طويل

سمر: بسرعه كمت اغسل وهو يصبلي مي كملت غسل وصعدت بالسيارة مشينه مسافه وكفنه كدام مطعم

هشام: انزلي خل اغذيج

سمر: شكرا مااشتهي

هشام: بويه انزلي اكلي لا تموتين وانتي معيشه العيال ( يعني انتي معيشه اهلج) واني ابتلي

سمر: باوعتله صفح كتلهه مااريد ورجعت اباوع من جامه

هشام: بكيفج انتي خسرانه

سمر: حرك السياره وكملنه طريقنه وصلنه اخير وصلنه عصر اتلكتني مرت عمي ومرام بت عمي الغريب بالموضوع عمي عنده 3 ولد

الجبير هو هشام
الوسط هو سلام
الصغير هو ضرغام
وعنده هم 3 بنات
حذام
مرام
سهام
ماادري شعدهم وي حرف ( م) يمكن عبالهم راح ينقرض

مرام: هلا ومية هلا بالجياينه اليوم والله مشتاقتلج كلش حبيبتي

سمر: مرومه اكبر مني بسنه وهيه طيبه وحبابه من اروحلهم تاكلني بالسلام وتخجلني بكلامه اما بنات الكبار بس سلام بينه لا اكثر ولا اقل ماابيع ميانه وياهن مثل مرام

دخلت لجوه والغثيث ماادري وين راح اني كعدت يم عمتي وشويه جابو جاي وكعك ولمه عصريات بعد ( يعني كعدت العصر) واجو الولد كلهم طارو بيه بالسلام متفاجئين عبالك جايهم المحافض ههههههه

بس والله فرتهم واستقبالهم الي يجننن يسسحني بامان ابوي الله يرحمه

وشويه دخل العكره سابح ( عشتو) وعطر واصل السابع جار ولابس تراك اسود ردن وعضلات بارزه وحواجب معكوده ماادري ليش النهار كله مغندب

ولهنانه خلصت باجر انشاء الله اكمل احبكم