المتملك والعنيده الصغيره

بارت 16

مرام: اني هم هسه يله انتبهت خرررب حضي صدك مطفيه مبين حب هشام الها بس مااعتقد سمر تقبل بي لان هو اكبر منها بهواي

سلام: يله يمه فضوها الناس ينتضرونه لعد وين سمر ماجبتيها وياج

ام هشام: مالها خلك يله يمه امشينه هسه هيه ساعة زمان ونرجع

سمر: ضليت اتكلب بفراشي كلهم راحو ضجت كلت خن اكوم اروح يم الشط حلوو المكان وشويه اعصابي تهدء

فتحت باب غرفتي صار هشام بوجهي ماحاجيته لفيت حجابي وطلعت للشط جان المنضر كلش حلوو مانزلت للجرف بس اخذني الفضول كلت خل انزل اللعب بالمي المنضر يشهي صدك والله نزلت كعدت على جرف شفت بصفي حصوايه شمرتها صارت تطب وتطلع مرتين وثلاثه بالمي عجبني وضع كمت على حيلي وصرت اشمر حصو بالمي وشويه سمعت صوت كلب يصيح من بعيد كلبي رجف من خوف يبوووووو هو اني اخاف من نمله نوب كلب اباوع شو هذا اجه فاتح حلكه واجه طاير بالاتجاهي وماجان كدامي غير شمرت روحي بالمي والمصيبه مااعرف اسبح صرت اغط واطلع يمكن طول الوضع دقيقه

سبحان الله الشخص من يواجه الموت يجون على باله ناسه واهله اجه على بالي امي واني بالمي بعدها ماحسيت على نفسي بعد فتره فتحت عيوني بثكل خفت عبالي متت بس اتاكدت مابيه شي من سمعت صوت عمتي تبجي وهي تحجي

ام هشام: سوده بوجهي يمه الحمدلله على سلامتج والله هبطتي كلوبنه عليج لو غركانه هسه بله شراح نكل لامج واخوج

سمر: هيه تحجي واني تعبانه احس جسمي مكسر افكر شوصلني لهنا منو طلعني شويه ودخل هشام وعمي كاظم والولد كلهم يتحمدولي بسلامه بس هشام مافتح حلكه بالحرف بس ساكت وصافن عليه

محد مطي خبر لهلي يخافون على امي خاف يصعد سكرها كالو عدت إن شاءلله ليش نهبط امج عليج اباوع لملابسي اني من غركت لابسه اتراك شو هسه دشداشه اكيد عمتي ومرام مغيرات ملابسي اجت مرام حجتلي وياريت ماحجتلي صرت ابلع ريكي من خجل والله اتمنيت اموت ولا هالمصيبه من غركت هشام المطلعني من الشط يعني هو مغيرلي ملابس يممممه متت خجل اشلون احط عيني بعينه بعد والله صعبه اني بدون عزاااااا معزايه منه انرعب

ولهنانه خلصت باجر انشاء الله انشر بارت 17/18/19