المتملك والعنيده الصغيره

بارت 8

بس هو مخنزر عليه باوعلي وضحك ضحكة استهزاء الحد مابانت اسنانه

هشام: هاا عيني ست سمر اتكدتي عندي اسنون

سمر: حجه هيج وطلع اخذ سويج وطلع والكل انتبهو على طريقة كلامه وياي

صار الليل وهو ماكو خابرو عليه وكالهم اتاخر باجر اجي الجمعه ماكو دوام فهه راح اضل يم اصدقائي معزوم

اتعشينه وكملنه وشربنه جاي واني ميته ضحك ونسيت حتى زعلتي من اجيت هنانه اجباري باوعت على ساعه بــ 12 بليل عمتي راحت نامت واجه عمي من كربلاء وسلم عليه وراح انام وصعدنه اني ومرام لغرفتها بالطابق ثاني بيت عمي كلش جبير

4 غرف وصاله فوك
4 غرف وصاله ومضيف بالطابق الارضي
الولد كلهم فوك حتى مرام غرفهم
وغرف جوه مرتبات وحده مسويتها عمتي ديوانيه وغرفه الها وغرفتين لبنات مزوجات من يجن يباتن

صعدت للغرفه جنت لابسه دشداشه غيرتها من اجيتهم عصر بس مااعرف انام بيها طلعت برموده سوده وتشيرت احمر ربع ردن مريحات انام بيهن ذبيت روحي من تعب نمت بسع
فزيت ميته عطش باوعت على ساعه بــ 2 بليل كلت خن انزل محد يشوفني بالبسي وهمه نايمين نزلت جوه على كيف امشي على اطراف اصابيعي وصلت للمطبخ ضلمه فتحت باب ثلاجه اخذت بطل مي وحسيت اكو خطوات وراي من خوفي ردت اصرخ ماحسيت غير ايد ضخمه صارت على حلكي وايد على خصري من عطره عرفته هذا هشام وانسحبت بقوووه فتحت عيوني على واسعهن وهو بعده صام حلكي وايده ثانيه محاوطه خصري

ثلاجه مامسدوده فه يطلع منها ضوه خفيف انتبهت على هشام بغير عالم واني واصله لخصره لان هو طويل دنك عليه همس باذاني بصوت شبه خدران

هشام: شنو هذا لبسج ليش تتعمدين اذيتي

لهنانه خلصت البارت اجاي يكون تعريف عن البطل