المهم يا الأكل و كلنااا و عقب قررنا انه حمد يرقد علي الغنفه (couch) و أنا علي السرير (bed) المهم قمنا (قعدنا) الصبح و كنا بنطلع من الفندق عشان نسير البيت و عقب نسير المطار
طلعنا على أساس انه نتريق يوم نوصل بيت أهل حمد بس مرينا ناخذ ريوق
يوم وصلنا البيت سلمنا علي عمي و عمتي و كان حمدان يالس فالصالة و مريم يالسه تأكل سيف و عيشه (عيال أحمد)
دخلنا-
عمتي: هلاا بالمعاريس!
ريم: هلا عمتي
حمد: السلام عليكم!
عمتي: ليش ما اتصلتوا كنا بنوصل الشنط فالفندق
حمد: نحنا كنا نبغي نسلم عليكم و ناخذ الشنط
مريم: تعالي ريم
ريم: هم
مريم: سوري على السؤال بس ليش أحس شكلج مب مرتاحة 😅
ريم: لا بس شي غريب و نحنا غير عن بعض و ما نعرف بعض و بعده أول يوم (أكيد ما بقولها و مول ما حبيت السؤال 😑🤨)
مريم: امهمم... انشاءالله تستانسون فشهر العسل
ريم: ... هم هذا منو جاسم ولا سيف؟!
مريم: سيف! ولد ميرا اسمه جاسم
ريم: اوه بساعدج أكلي عيشة و أنا بأكل سيف
مريم: مآله داعي
ريم: ترا استويت من العائلة عادي
مريم: 😊
المهم أكلت سيف و عمتي تقول انشاءالله نجوف عيالكم و تنغز و أنا ساكته
المهم خذنا أغراضنا و سرنا المطار و سافرنا رجعنا تاريخ 6-10-2019 تمينا اسبوعين تقريبًا و فهاذي السفره كان حمد مب وايد يكلم حبيبته (ينسى) و كنا مستمتعين فوقتنا و نسيت انه بنتطلق عقب تقريبا شهر و اسبوع (علي كلام حمد ) كل كم يوم يذكرني كم بقي 😔🫣
كانت علاقتنا تتحسن كأصدقاء و الصراحه ما توقعت انه أستمتع ف السفره بس الحمدلله استمتعت و كان أحيانًا حمد ينزل يكلم حبيبته و هذا كان يضايقني ☹️
المهم عقب ما رجعنا من السفر ريحنا و ما نشيت الا اليوم اللي عقبه من التعب! يوم نشيت حمد ما كان موجود مع انه ما عنده دوام المهم لبست و حطيت مكياج لأنه كنت بسير أسلم على أهلي و عقب بسير المول
سرت أسلم على أهلي و ما تميت وايد لأنه أغلبهم مداومين و كنا أصلًا مخططين انه اليوم إللي عقبه نتلاقى كلنا (أهلي و أهل حمد) المهم سرت المول و خذت ثياب من زارا وأنا طايفه جفت حمد ويا ربيعة و حمد يا عندي بس الصدمة مب هني الصدمة انه ربيعه سالم!!! سالممم!!!! سالم كان واقف بعيد و حمد يا عندي
حمد: شو تسوين هني؟
ريم: كنت باخذ ثياب حق باجر!
حمد: اوكي...
ريم: يلا بسير!
حمد: اليوم ما بيي على الغدا!
ريم: ليش بتتغدا برع؟
حمد: الزم تعرفين؟!
سالم كان يجوف 🤨
ريم: لا منو أنا أصلًا عشان تقولي؟!
حمد: بتغدى ويا أمينة
ريم: لو مب قايل أحسن😢 *هني أنتبهت انه انا شدخلني ليشش بديت أغار*
حمد: ...
المهم ما كنت ببين انه أعرف سالم...
أنت تقرأ
عن قناعة 🇦🇪
عاطفيةريم و حمد 💍 📍رواية اماراتية حقيقية 💯 ضروف زواجي الصعبة، زواجي اللي أنا و زوجي ما كنا راضين عنه و قبلنا الأسباب و ضروف معينه. بنقدر نكمل؟؟ بيستمر الزواج؟ في طلاق؟ هل بيكون في طرف ثالث ؟ اقروا الرواية عشان تعرفون شو اللي بيستوي وياي أنا و حمد الر...
