رقدنا و حمد نش قبلي حق الصلاة و ما رقد الساعة ٩ نشيت و جفته يالس
ريم: حمد الساعة كم؟
حمد: تسع
ريم: ليش ما قومتني
حمد: كان مبين عليج انج وايد تعبانة عشان جي
ريم: افف
حمد: ترا ما بيطوفج شي!
ريم: همم، تريقت؟
حمد: هي، نزلت تريقت تحت عند امي قبل ما يسيرون!
ريم: زين!
حمد: يلا تريقي و البسي و عقب بنسير العزبه
ريم: انشاءالله استاذ
حمد: ولا شرايج أسويلج ريوق لين ما تخلصين تلبسين!
ريم: اوكي!
و لبست و تمكيجت بسرعه و عقب سرت آكل! حمد مسوي بيض 🍳 omelet كان لذيذ 🤤 الصراحة
حمد: جربيه و عطيني رايج
ريم: ترا بس بيض عبالك انجاز
حمد: استغفرالله ما بعيبها شي
جربته و كان حلو
ريم: الصراحة ما توقعت انه بيطلع لذيذذذذ طلعت شاطر
حمد: عشان تعرفين قدرات ريلج أعجبججج
ريم: شكرًا بس يلا عن نتأخر
حمد: بالعافية 😋 ليش مستعيله كلييي
ريم: متحمسة أول سنه أسير العزبه ويا حد غير اهل امي
حمد: ما جفتي شي انشاءاللهاتكين على حماسج هذا *ما بحرق الأحداث بس...*
المهم تريقت و طلعنا...
فالسيارة:
حمد: تبغين تاخذين الليسن؟
ريم: هيي ما كان عندي وقت عقب الثانوية سيده تزوجت حتي أجلت الكورس 😟 *غلط على فكرة بس علي الأقل كنت ضامنه الجامعه و الشغل الأنه من شروط الزواج *
حمد: بفتح لج ملف عشان تتعلمين
ريم: حمستني حمد!!
حمد: ترا صدق الزم تتعلمين بيفيدج *اهني حسيت انه عندي سند و ضهر بعيد عن مسخره حمد بس الصراحه أحب تفكيره و هو من الناس اللي مع تمكين المراة 🤍*
ريم: أكيد بتعلممم
المهم وصلنا و عمتي قالت حق حمد يسويلي تور المهم راواني كلل مكان يوم دخلت غرفتنا طلع سرير واحد و طاوله و كرسي 🪑 (اللي يتجهون عليه)
مافي عنفه!
ريم: حمد شو بنسوي مافي عنفه؟!
حمد: يا نرقد علي السرير ولا أنتي ايلسي علي الكرسي و ارقدي عليه
ريم: لا والللههههه!! بنجوف لين هذاك الوقت
حمد: يلا خل نسير عندهم برع
ريم: بجهز الأغراض و بيي
حمد: لا تتأخرين امي مطرشه فالقروب انه لولوه يت
ريم: اوكي بسرعة بخلص دام لولوه برع!!
حطيت الأغراض فالغرفة و تعدلت و نزلتتت! و جفت لولوه بنت عمه حمد هي ربيعتي من قبل ما أعرف حمد بس أكبر مني بكم سنه
ريم: شحالج لولو
لولوه: بخير وينج مختفية من عقب العرس مول ما جفتج!
ريم: تعرفين... لهيت
لولوه: كله من حمد
حمد: هي اللي كان يالسه فالبيت انا ما يخصني
ريم: 🫣🤭
لولوه: ريمومم! ويت شكلها شوق يالسه تصيح بييبها و بيي (بنتها عمرها شهرين)
و يابت بنتهااا 🥹🥹
لولوه: هذي بنتييي يتتت!!
ريم: هاتيهاااا حبيبييي باكلهاااا 😍😍🫠🫠🫠🥺🥺
و عمتي كالعادة تجوف و تدعي 😭😭
لولوه: انتي بس جفتيها مره صح؟
ريم: هي فالمستشفى قبل ما اعرس
شليت شوق🤍🤍🤍
عمتي: ريم صدمتيني ما توقعت تعرفين تشلين يهال
لولوه: ريومه لا تنسين الحقوق
ريم: 😂😂 لولوه علمتني
عمتي: عطي حمد شوق خل يشيلها
حمد: لا لا ماعرف
ريم: جرب تشيلها
لولوه: حببايبي ترا بنتي مب فار تجارب
ريم: لويلو تخافين عليها و أنا وياها!! ما يستوي
لولوه: خايفة عليها من ريلج
ريم: لا اتطمني أعرفه يشيل يهال متعود على عيال خوانه
عمتي: يتمصخر ترا يحب اليهال بس يتسخف
حمد: هاتيها
ريم: شلها
و كان كيوتتتت ويا شوق حبيبيييي 🥹🫠🫠🤰🏼🤰🏼 ذبتتتت
حمد: شوققق حبيبييي 🥺 (بنبره كيوت 😭😭)
و هو يبوس شوق و رفعها جان تزوع (تستفرغ 🤮) علي ثيابه
الكيوت انه لو حد ثاني بيصارخ بس هو ما صارخخخ 🫠🫠🫠
حمد: عادييي عادييي حبيبييي
يبت كلينكس
ريم: الحين بمسحه حبيبي بس بشل شوق أول
و حمد يبا يستوعب أكلمه ولا أكلم شوق ولا شو😂😂 الصراحة أنا تعمدت و ما قدر يسوي ردت فعل جدام أهله و ما قال شي سوا عمره طبيعي 😭😭
عمتي: نضفه ولا غير أحسن
حمد: ريم تعالي 😈
ريم: *أبغي أتهربببب* بخليهم (الخدم) يحطولك قميص 👕 ثاني فالغرفة
حمد: اوكي
و كتبلي ف واتس "مردي بجوفج لو مب الحين عقب"
و كان خاطري أشردددد و أحس ليش قلت جييييي غبيهههه بس كنت بدودهه
أنت تقرأ
عن قناعة 🇦🇪
Romanceريم و حمد 💍 📍رواية اماراتية حقيقية 💯 ضروف زواجي الصعبة، زواجي اللي أنا و زوجي ما كنا راضين عنه و قبلنا الأسباب و ضروف معينه. بنقدر نكمل؟؟ بيستمر الزواج؟ في طلاق؟ هل بيكون في طرف ثالث ؟ اقروا الرواية عشان تعرفون شو اللي بيستوي وياي أنا و حمد الر...
