المهم رقدنا و الصبح نشيت قبل حمد و كان راقد علي المخدة شكله تريا لين ما أرقد و خذها 🤨
تعدلت و يلست أجوف تيك توك و حمد نش و كان معصببببب😡 مع انه أول ما ينش ما يكون جي يعني مب من النوع المزاجي اول ما يعصب عادي يضحك بس كانننن مفولللل 🤬
ريم: ها نشيت
حمد: على أساس انه يهمج
ريم: هي يهمني
حمد: مبين
ريم: انته شو بلاك اليوم؟؟ شو مسويه أنا ؟ ليش معصب؟
حمد: ريم مب حللل عايشين ويا بعض بالاسم
ريم: هذا كله عشان المخدة؟؟؟
حمد: أنا أتكلم عن شي و انتي عن شي
ريم: فهمني انزين
حمد: أنا أحبج
ريم: اوكي...
حمد: و انتي تحبيني!
ريم: منو قال؟! اوكي يمكن قلت شي مثل جي بس...
حمد: لا والله...
ريم: 😐
حمد: بسألج سؤال وإذا ما جاوبتي ما بنتريا شهر سيده بطلقج!
ريم: شو السؤال؟
حمد: انتي تحبيني؟
ريم: شو بتستفيد إذا عرفت ؟!
حمد: أبًا أعرف ليش لين الحين انتي وياي؟!!
ريم: ...
حمد: لو ما رديتي علي من الحين أقولج مالنا عيشة ويا بعض
ريم: انته شو بلاك اتسير و ترد على طاري الطلاق؟!
حمد: الأنه مب حل ليش نتريا شهر؟! *يقصد ليش يتعود على وجودي و نحنا عقب شهر بنتطلق والله مذلهههه عقب شهر و عقب شهر و كل شوي بيطلق *
أنا سكتت الأنه أعرف انه لو أنا تكلمت حمد بيرد علي و ما بنسكت بنتضارب و بتكبر السالفة بس قالي لو ما رديتي علي ف نهاية اليوم... عرفتوا شو بيستوي مافي داعي أقول
المهم
أنا و عمر اخوي طلعنا ويا بعض جي ألون تايم *الصراحه كنت بكنسل الطلعه بس أمس اتفقنا و كان وايد مستانس ف ما كنت بكسر خاطر عمر بس بعد ما كان لي بارض*
عمر يا ياخذني من العزبه و سرنا نتريق و سرت بيت أهلي عشان نعدل المكان *أشرف علي العاملين* لأنه عمر ما يعرف يسوي شي أكيد ولد👶 هو يالس و أنا أقولهم وين ينظفون . عدلنا البيت لأنه اليوم اللي عقبه عمر كان بياخذ امي و ابوي و عبدالله من المطار و بسيررر وياهه 💃🏼💃🏼 😃😃
تغديت فالبيت (بيت أهلي) و لين ما نظفنا كل شي و لين ما عمر تفيج يرجعني تقريبًا رجعت الساعة 5 و نص و الصراحه يوم كنت فبيت أهلي كنت مشغوله و نسيت سالفة حمد و الطلاق 😞😞 و الزم أجاوب عليه اففف جنه مسلسل تركي حياتي هذيك الفترة ما كنت أتوقع اني بعيش الأحداث هذي
المهم رجعت و حمد و ميرا و راشد و عمتي و عمي كانوا يالسين برع
عمتي: هلا بريم
ريم: هلا عمتي!
عمتي: عمر اللي يايبج؟
ريم: هي عمتي!
عمتي: قوليله يرجع عشان يغير جو و يلس ويا الشباب
ريم: انشاءالله عمتي بتصل و بجوفه
و اتصلت بس قال انه واعد واحد من ربعه و بيطلعون
ريم: عمتي يقول بيطلع ويا ربيعه
عمتي: على راحته انتي تعالي
ريم: انشاءالله بس بسير الغرفة و بيي
عمتي: يلا أترياج
و حمد حاقرنيي طولل الوقت و يسولف ويا اخوانه
ميرا حست انه في شي بس سكتت
بدلت و يلست شوي أفكر و قررت...
أنت تقرأ
عن قناعة 🇦🇪
Romanceريم و حمد 💍 📍رواية اماراتية حقيقية 💯 ضروف زواجي الصعبة، زواجي اللي أنا و زوجي ما كنا راضين عنه و قبلنا الأسباب و ضروف معينه. بنقدر نكمل؟؟ بيستمر الزواج؟ في طلاق؟ هل بيكون في طرف ثالث ؟ اقروا الرواية عشان تعرفون شو اللي بيستوي وياي أنا و حمد الر...
