بطوف لين قبل العزيمة بساعة كنت أتجهز و حمد لبس و يتريا فالصالة
ريم: حمد !
حمد: ها
ريم: ساعدينى ألبس السويرة (السواره) bracelet
حمد: هاتي أجوف
ريم : لو ما تعرف بخلي حد يسويه بس لا تخربه
حمد: لا أعرف
و صدق سواها 🤨
المهم نزل حمد و قال حق امه تسوي بخور عشان يتدخن و عمتي قالتله وين مرتك؟!
حمد: امي ريم تتجهز ما خلصت (الزممم يفشلنييي)
كنت نازله و سمعته
ريم: مخلصه
حمد: عيل سويلي فحم عشان أتبخر
ريم: اوكي 😏😏
و يوم خلصت حطيته و سرت و حمد استغل وجود عمتي و قال...
حمد: ريم بخريني *غياض*
ريم: اوكييي😠😤
عمتي: ترا ما بيخطبونك!
ريم: لا عادي عمتي لو بيخطبون عادي موافقة😏
حمد: خلاص لقينا الموافقة
ريم: *قرصته* انته بس جرب و بتجوف
حمد: غيوره
ريم: (بصوت خفيف) ما يخصه بس يا ويلككك طلق عقب بزوجك أربع
حمد: موافق
ريم: مب من صدقك أصلًا هذا لو اللي عندك خلتك (أقصد أمينة)
حمد: هي تسد الأربع المهم يلا عن نتأخر
ريم: جان خذتها *الصراحه بجذب عليكم لو أقول انه ما كنت غيرانه*
طلعنا و سرنا عقب وصلنا بيت أهلي ونحنا نازلين...
ريم: حمد الزم نمثل انه نحنا معاريس مستانسين و عادي الوضع
حمد: بشرط!
ريم: شو؟؟؟
حمد: تقوليلي كنتي بتطلعين ويا منو؟
ريم: مب من صدقك حمد ما نسيت
حمد: عيل خلاص ما بمثل
ريم: اوكي خلاص بقولك (بصرفه)
المهم دخلنا و كنا اونه ميودين إيد بعض و نضحك
امي: هلا بالمعاريس
حمد: هلا عمتي
امي: هلا بالغالي (و انا فخاطري لو تعرفين شو يسوي فيني ما بتقولين جي 😞)
و كلهم يسلمون علينا و يباركون للمرة المليون 😩
المهم يلسنا كلنا و حمد اونه يغار
حمد: ريم
ريم: ها
حمد: (بصوت خفيف ) ريلج طالعة و ريل اختج موجود
ريم: وفر الغيره حق حد ثاني
حمد: افف ريم كملي التمثيلية
ريم: اوكييييي
أمينة حرقت التيلفون وهي تتصل حق حمد و هو ما يرد و غلق التيلفون عشان ما تزعجه
١٢٣ أكشننن
حمد: تبغين جاي؟
ريم: هي بس شوي
امي: ريم مب جنه ما تشربين جاي؟!
ريم: هي بس حمد عودوني علي الجاي! طول السفره يسوي جاي *جذب بس عشان أرقع لأنه ما يعرف شو أشرب و شو ما أشرب *
حمد: من المحبة عمتي
ريم: (بصوت خفيف) منو قالك ترا واااايد مصدق عمرك
حمد: هي حبيبتي قولي شو تبغين 🫢🤭😊☺️
ريم: جببب حمد لا تفشلنااااا
حمد: من عيوني بنسير ناخذ السويت لو فخاطرج
ريم: خلاصص حمددد
حمد: مب تبغيني أمثل ها مافي أحسن عن جي
ريم: يا الله
المهم كان حمد يسوي هالحركات بالعمد رجعنا البيت و كنت أتهرب عشان حمد ما يسألني منو اللي أحبه *واللي قلتله بطلع وياه * أول ما رجعنا بدلت و طحت عشان أرقد
حمد يا عندي عشان يتأكد لو رقدت و فنفس الوقت وصلني مسجات من سالممم😭😭😭
سالم: ريم ناشه؟؟؟
أنت تقرأ
عن قناعة 🇦🇪
Lãng mạnريم و حمد 💍 📍رواية اماراتية حقيقية 💯 ضروف زواجي الصعبة، زواجي اللي أنا و زوجي ما كنا راضين عنه و قبلنا الأسباب و ضروف معينه. بنقدر نكمل؟؟ بيستمر الزواج؟ في طلاق؟ هل بيكون في طرف ثالث ؟ اقروا الرواية عشان تعرفون شو اللي بيستوي وياي أنا و حمد الر...
