المنطقة المُعتمة

البارت الثاني

مساء الخير حبايبي

عـيـناكَ لـوحـةُ عـشـق لـفـهـا الـسـحـرُ
يَـغـفـو ويَـصـحـو عـلـى اهـدابـهـا الـقـمـرُ
فـي رِمـشـهـا ألّـفَ الـعـصـفـورُ اُغـنـيـة
وَ بـيـن أحـداقـهـا يُـسـتـعـذب الـسّـفـرُ

بقلمي آية البياتي
........................

كعدت الصبح بدلت ملابسي حته اروح للمحاضَرة..

أديلا :- يلا ماماتي گلبي راح اتأخر ع المحاضَرة

زهور :- ما اكلتي شي؟ مراح تركزين تعاي اكلي ماما

أديلا :- لا يمه مااشتهي ع الجايات ان شاء الله

زهور :- ع راحتج حبيبتي ديربالج ع نفسج وركزي زين..

أديلا :- مححح تمام يروحي

طلعت من البيت كاشخه ع آخر حباية وعطري طاير وراي!!

زينب و فاطمة صديقاتي المقربات كلش

شفت واحد تقدم تجاهي!! بسيارته الفخمه!

:- السلام عليكم

أديلا :- وعليكم السلام

:- انتي بنت الملازم حيدر ابو كرار؟

أديلا :- اي!!

:- ماشاء الله عنده بنيه!

أديلا :- تفضل عيني شرايد؟

:- تحبون اوصلكم بسيارتي؟ تره اتأخرتو

أديلا :- لا شكرا احنه نروح

:- تمام براحتكم

أديلا :- تمام عيني

زينب :- دندون اشو يتردد عليج هواي هالفتره! چنه مجنص عليج ويباوع!!...

أديلا :- شلج بـ هالسوالف! خيولي

فاطمة :- اي والله.. دندون جنها السالفة صدك!

أديلا :- اهوو دسكتن!

بعد مرور دقايق وصلنه المعهد

:- لو صاعدين وياي مو جان هسه طبيتو للمحاضَرة

فاطمة :- اي والله

أديلا :- خزرتها وكتلها يلا نطب

دخلنه للمحاضره وكملنه ومن

طلعنه و تخربطت فاطمة!! و ملگينه غيره.. صعدنه وياه!!

ضل الطريق كله يباوع عليه! من المراية

مرت الايام يوميه بالمعهد اشوفه!! يسلم عليه

حبيت تفاهمه وبروده واحترامه للكل وطريقة كلامه وتعامله ويه الناس فَـ بديت انعجب بي!!

بعد مرور ايام قرر يسوي خطه.. گال لبابا

:- ابو كرار دام بنتك وياي قريبه عليه اني اوصلها بطريقي

ابو أديلا :- اشوف واردلك خبر عيني

رجعت للبيت وفاتحت أديلا بالموضوع وافقت!!!

أديلا :- تمام بابا براحتك انه اشوفه خوش ولد ويتأمن بعد بكيفك

ابو أديلا :- تمام بنيتي هذا هوه

.................

:- أديلا نطيني رقمج خاف تحتاجين شي!

أديلا :- تمام سجل 0773.....

علي :- أحبج

أديلا :- ضليت مصدومه كلش وماعرفت شجاوبه! بس ابتسمت وعفته وطبيت للبيت..

بليل راسلني علي واتعرفنه اكثر ع بعض وصارت بينه علاقه كلش قويه حبيته وحبني!!!

طبعا فاطمة و زينب دّرن بالسالفه وكلش فرحن!!

...................

أديلا :- ماما أووف يعني لازم نشيل للبصرة!!!

زهور :- يمه ابوج هيج يريد وشغله تحول هناك منگدر بعد نبقه بغداد..

أديلا :- هفف..

ضجت كلش وانقهرت كلش شون اعوف.. صديقاتي!! مدرستي!! المعهد!! المحاضرات؟!

زين و علي!!!؟...

طلعنه للبصرة اتعرفت على عمامي 6 طبعا جنت مااعرفهم لان احنه كاعدين بغداد وهمه بالبصرة!!

ونسوانهم وبناتهم كلش حبابات ولطيفات

عشنه روتين عادي!! بيت جدي لحد مايكمل بيتنه...

خلص بيتنه ونتقلنه بي

أديلا:- واو البيت يجنن احلا مَن مَ توقعت

زهور :- الحمدلله من عجبج ست الحسن

أديلا :- اوووف ماما شبيج

مرت ٦ شهور وبديت اداوم ثالث متوسط
طبها نص وقتي بالمحاضَرات

جنت قليل اروح ع بيت عمامي لان أبقه ادرس

اجه اليوم الي رحت ع ابن عمي حته يدرسني المواد العلمية لان جان كُلش شاطر بيهن ومرات ماروح اضل ادرس ع اليوت لان هوه عنده خفارة!!

أديلا :- ناصر حباب قريني

ناصر :- ادللي دندون

أديلا :- ديلا عفيه قريني

باوعت دِلْهَام عاگد حواجبه

اجه نهاية السنة وقررت اروح للمعهد لان عدنه مراجعه!!

فَ رحت وشفت وبقيت مصدومة!!!!!...............

.................

تنويه: بالنسبة الي يكولون البارت قصير

حبايبي شوي شوي ابدي بالاحداث يعني كلما انزل البارت يصير اطول من القبله فهمتو حبايبي!

توقعاتكم لبارت الثالث؟

يا ترى شنو شافت أديلا حته تنصدم بهل طريقة؟

هل يتغير قدرها ومصيرها!؟

ترقبوا الاحداث حبايبي ❤️‍🔥🌚