ضياء الليل
بقلم /نسرين خالد
الفصل العاشر
نجم و ازهار مع العمده و وراهم عربية هلال و ورا هلال عربيتين غفر و بعد مده طويله وصلو البلد ال اول ما دخل صف العربيات قعد الناس تسأل مين ال جه و كانو فاكرين ان في مسؤول جه و لكن الكل اتفاجئ ان ال نزل من العربيه كان نجم و معاه ازهار... و دخلو بيت الحاج شمس (بيت ابو نجم)....
نجم و هو حاطط ايده ف ايد ازهار
نجم : السلام عليكم ورحمة الله وبركاته... البقاء لله ياجماعه
ام نجم و هلال بصتله ب غل
الام : لولا ان الجده امرت بوجودك فى جنازتها كنت عمرك ما هتخطي البيت ده تاني ولا كنت هخلي آلَخـ░ـآطـ░ـيـ░ـهّ ال جانبك دي تحط رجليها آلَنـ░ـجـ░ـسـ░ـهّ دي في بيت عيلة شمس 😡
الام قالت الكلام ده و هي بتبص ل ازهار بشر واضح... وده خلى ازهار تستخبى في نجم ال طبطب عليها....
نجم : لولا وصية الجده و الناس ال اتوسطت انا مكنتش هاجي هنا.... بس عايز افكرك ان ده بيت الحاج شمس و انا بكون نجم شمس... يعنى انا اولى ب البيت ده من أي حد تاني.... و بص على بنات خاله ال كانو بيبصو على ازهار بغل..... اه على فكره في اتنين ستات هيدخلو دلوقتي هيكونو مع ازهار عشان لو حد حاول يتعرضلها و لعلمكم دول ستات الغفر 😏😏و اخدين امر من العمده بتاعهم يقتلو ال يجي جنب ازهار لانه بيعتبر ازهار اخته...... اللهم بلغت.. اللهم ف اشهد
و دخل نجم الاتنين الحريم ضخام و شكلهم يخوف و واحده منهم كلمت ازهار
الست١ : اتفضلي يا ست ازهار جناب العمده قالي اقعد مع جنابك و انفذلك ال تعوزيه و ال يكلمك اخرسه
ازهار بصت للستات ال في العزا لقتهم عمالين يتهامسو و خايفين من الستات ال بيحرسوها... الستات دول يبقو مراتات غفيرين و بيشتغلو مع ازهار في تربية الحيوانات
ازهار : معلش هتعبكم معايا ممكن تاخدو الزياره من العربيه بره و تدخلوها المطبخ و تشوفو هيتطبخ ايه بعد ما الرجاله تدبح العجول
الست٢ : امرك يا ست الستات.... طيب انا هروح و هي هتقعد معاكي حمايه زي ما امر العمده
ازهار : لا ماتقلقوش عليا لو في حاجه هنادي عليكو روحو انتو الاتنين
راحو الاتنين على المطبخ و هي راحت قعدت على كرسي و كان في ستات جنبها
الحريم ١ : شوفي ياختي البت البجحه خطفت الراجل و هربت بيه و جايه دلوقتي تنهي و تأمر في البيت
