ضياء الليل
بقلم /نسرين خالد
الفصل الثالث عشر
ام هلال : ايه؟؟؟ متجوزه ازاى؟؟! و مين؟
ليل : متجوزه ازاى... فهى متجوزه على سنة الله و رسوله... و مين... فهى متجوزانى انا الباشمهندس ليل.. و حفيد الحاج عيد و العمده من بعده.. ايه قولك ياااا... يا جده😏😏🤨🤨
ام هلال : و اتجوزتها ازاى وهى قاعده هنا فى البيت من الصبح.... ولا ابت طلعت ل امها و حطت راس بيت شمس فى الارض😏😏
نجم : مش بنت نجم و تربية ازهار بنت الحج محمود ال تحط راس ابوها فى الارض.... بنتى انا ال عاقدلها.... زى ما الحج محمود هو ال عقدلى على ازها... من غير كلام كتير انا عايز بنتى و مراتى ال حبساهم عندك
فى الوقت ده هلال قام و طلع من اوضته و سمع ال بيحصل تحت... و بصعوبه راح ناحية الاوضه ال محبوس فيها ضياء و فتحها
هلال : ضياء يابنتى سمحينى و بسرعه افتحى الاوضه و طلعى امك و انزلى روحى ل ابوكى
ضياء : عمى.. انت كويس؟... اطلبلك الدكتور طيب؟؟ ....
و فجأه الكل يسمع صوت ضياء و هى بتسرخ و الكل جرى يشوف فى ايه... و الكل اتفاجأ ب هلال واقع على الارض و ضياء قاعده جنبه و حطه راسه على رجليها و بتسرخ..... بسرعه الظابط طلب الاسعاف... و جم شالو هلال عشان يروحو بيه على المستشفى و لكن للاسف ملحقش يوصل و مات فى الطريق... و ده خلى امه وقعت من طولها
نجم بدموع : ازهار انا مش هقدر اطلب منك تستنى معايا و تحضرى عزاء هلال و لا انك تكونى مع ام هلال..... بس مفيش قدامى غير انى اترجاكى.... ارجوكى يا ازهار خليكى معايا و فى ضهرى زي ما كنتي طول عمرك معايا
ازهار قربت من نجم و طبطبت على كتفه بحنيه و طيبه هو متعودها منها
ازهار : ماتقلقش بيت شمس عايتفتح و عزاء هلال هايتقام و انا هقف استقبل الحريم... مهما كان ده اخو جوزى و عم بنتى
نجم بنظرة رضا قام باس دماغها............
نجم : كل مره بتخلينى اتأكد انى عمرى ما غلط لما اخترتك
قامت ازهار من جنبه و ابتدت تدى اوامر للشغالين ال فى البيت و تحضر للعزا و خلت ضياء تتصل ب العمده عماد.. ال اول ماسمع الخبر سافر الصعيد عشان يقف جنب نجم.... و ليل كان طول الوقت جنبهم
بعد اول يوم فى العزاء نجم طلب عماد و قعدو فى اوضه لوحدهم
نجم : عماد انا عايز منك خدمه
عماد : خير يا خويا انا رقبتى سداده
نجم : انا عايزك تجهز ورق ضياء عشان تسافر البعثه.... بس من غير ما حد يعرف
