ضياء الليل
بقلم /نسرين خالد
الفصل السادس عشر
قامت سعاد و سابت ضياء تنام و راحت ل جيرانها و بلغتهم ب المشروع و هم ماصدقو و ادوها طلبيات كتير حتى الالمان طلبو من العيش لانه صحى.. ولان سعاد شافت ان الطلبيات كتير قسمتهم على ايام... و تانى يوم سعاد اتصلت على بيتر و طلبت منه يروح للمزرعه و يتفق معاهم على اللبن ال هاتحتاجه ضياء... و هى راحت مع ضياء ل الكوافير و هناك.. كانت المعركه.... 😎😎😎
و طبعا لان ضياء عمرها ما راحت كوافير ف كان الوضع اشبه بساحة معركه...... خصوصا ان وش ضياء محتاج شغل كتير جدااا..... و اخيرا بعد عذاب لضياء و مجهود خرافى من الكوافيره.. طلعت ضياء بعد ما لبست فستان محتشم و كانت ماسكه فى اديها حجاب بسيط
سعاد : بسم الله ما شاء الله ايه ده يا بت يا ضياء ده انتى طلعتى قمر اووى😳.... ايه يا بت الجمال ده كله؟
ضياء: مش اوى كده يا خالتى.... بس حاسه ان... ان... انى مش انا...... و معرفش ليه الست الكوافيره دى رفضت انى اشوف شكلى بعد ما خلصت... ده انا حاسه انى واخده علقه🫣
سعاد😂 : يا بت اهمدى... و ايه اللون الحلو ده ال عملاه فى شعرك
ضياء ب كسوف : لون ايه يا خالتى ده شعرى انا
سعاد : يعنى ده طبيعى ماشاء الله ده جميل و طويل اللهم بارك
ضياء: بالله يا خالتى ل تخليها تسبنى اربط شعرى لحسن حاسه انى عـ░ـرٍيـ░ـآنـ░ـهّ طول ما شعرى باين كده
سعاد : لا يا حبيبتى غطيه بس لفى الطرحه بشكل حلو لفيها حجاب
ضياء : ازاى يعنى... انا معرفش الف غير العصبه و بس
الكوافيره : طيب ممكن اعلمك لفة طرحه حلوه و هتلفى معاها اسكارڤ هتبقى حجاب مظبوط
ضياء افتكرت كلام ليل ليها و حست بحزن
سعاد : بت يا ضياء مالك يابت؟!... سكتى مره واحده كده ليه؟! 🤔🤨
ضياء : نعم يا خالتى!.... معاكى اهو... انا عايزه اتعلم لف الحجاب... عايزه اجمل اشكال لفات الحجاب
سعاد فهمت انها افتكرت ليل و طبطبت علي كتف ضياء.....
سعاد : هاتتعلمى و هتكونى احسن واحده.. انتى اصلا اجمل واحده يا بنتى... بس هو مفهمش ده... و هيفهم و هيحس.. بس يارب ميكونش فات الميعاد🤷.... بقولك ايه بيتر عمال يتصل بيا شكله خلص اتفاقه مع الراجل فى المزرعه خلاص
