انتهي البارت بمكالمة فولكان لايليف نكمل بقا قصتنا يا تري إيه اللي هيحصل بعد كدا يلا بينا نشوف
وصلت إيليف بيت فولكان وهنا كانت الصدمة 🥺
فاروق واصلي وصلوا بيت فولكان عشان يفطروا مع بعض.
إيليف بتحاول تتمالك اعصابها عشان متعيطش قدامهم وفاروق مش متوقع ابدا يشوف إيليف هنا .. الصمت عم المكان لحد ما فولكان قطع الصمت دا
فولكان:
اعرفكم فاروق ، اصلي دي إيليف المهندسة الجديدة
إيليف اصلي اختي وفاروق خطيبها ومهندس معانا في الشركة.
أبتسموا في وش بعض واستأذنت إيليف ترجع الشركة ووافق فولكان.
إيليف :
بتعيط بشكل هيستيري مش متوقعه تشوف حبيبها فاروق هنا اللي سابها من غير ما يقولها السبب لا وكمان خطب وواحده غنية ، فضلت تعيط إيليف في مكانهم المعتاد وتقول انا اللي بفكر فيك ليل نهار ورافضه ارتبط عشان بحبك وبقول اكيد عندك عذرك كد ايه طلعت انا مغفلة ليه خدعتني وسيبتني فضلت تعيط إيليف علي حظها وبعدين رجعت الشركة.
في الشركة:
فاروق قابل إيليف عشان يقولها تمشي من الشركة ولما رفضت جرحها بالكلام وقالها كل اللي بينا انتهي من زمان متمسكه ليه بالماضي ياريت تمشي من هنا عشان ميحصلش مشاكل، رفضت إيليف ومشيت وسابته وفضلت تعيط🥺🥺
إيليف:
قررت في نفسها انها مش هتمشي ومش هتستسلم مهما حصل وبتفكر نفسها انها هنا عشان تساعد باباها مش اكتر ورجعت بيتها ونامت ...
فاروق:
ايه اللي انا عملته دا ازاي اكلمها كدا دا فضلت تعيط من القهرة بدل ما افهمها سيبتها ليه هينتها يارب خدني وريحني وفضل يفكر في إيليف وذكرياتهم سوا لحد ما نام.
تاني يوم :
إيليف:
انا لازم اندمك عليا عشان تعرف غلطتك يا فاروق ولبست جاكت اوف وايت صوف ناعم فوق الركبة وبنطلون ابيض واسكارف كارو بيج وهاف بوت بيج وشنطة صغيرة بيج وعملت شعرها كيرلي وخرجت
في الشركة:
وصلت إيليف وكان عندهم اجتماع بخصوص المشروع الجديد اول ما دخلت إيليف كل الموظفين بيبصولها وفاروق وفولكان والإعجاب واضح في عيونهم خصوصا فولكان وطول الاجتماع فولكان بيأيد إيليف ويبصلها بإعجاب وفاروق الغيرة خلته فقد اعصابه وبيعترض علي كل حاجه بتقولها إيليف لحد ما فولكان قالها تقول اقتراحها بخصوص المشروع
إيليف:
من رايي اننا نعمل المول الجديد بسقف زجاج يبين السما وزرع ونافورة كبيرة عشان الناس متحسش بالملل وهي بتتسوق وكدا هيقضوا اكبر وقت ممكن في المول.
فاروق:
انا مش موافق علي الاقتراح دا مش آمن وممكن الزجاج يتكسر ودا خطر على الناس وكمان ازاي زرع جوا المول اكيد هيموت لازم يتعرض للشمس والهوا.
فولكان:
بيغمز لفاروق عشان يسكت ويقوله انا عجبني وموافق علي الفكرة وايليف هي المسؤولة عن المشروع مع فاروق.
فاروق:
بعد الاجتماع اتجنن واعترض وقال ازاي عايزها تبقي مسؤول دا المشروع بتاعي وانا السبب في انهم يوافقوا عليه ومش مستعد استني إذن حد علي قراراتي .
فولكان:
اهدي بس مالك متعصب ليه، انا بقول مسؤولة معاك مش لوحدها يعني انت الكل في الكل.
فاروق:
بتضحك على مين بكلامك دا !
فولكان ياريت تغير قرارك بدل ما هتشوف رد فعل مش هيعجبك.
فولكان:
فاروق إيليف عجبتني ومش عايز اخسرها انا وافقت عشانها وبعدين انت ليك المسؤليه الأكبر.
مشي فاروق وسابه
فولكان:
بيفكر في إيليف وازاي يخليها تستسلمله.
إيليف:
مبتسمة وحست بالنصر وانها قربت تحقق هدفها فرحانه بثقة فولكان فيها اللي هتسهل مهمتها.
يا تري فولكان هيقدر يوصل لايليف زي ما هو عايز وايه اللي هيحصل بين فاروق وايليف
كل دا في البارت الجاي متنسوش تقولولي رايكم في الكومنتس
بحبكم كتييييير ♥️♥️♥️♥️♥️♥️
