فاروق: قابل إيليف عند الاسانسير وسألها رايحة فين وايه اللي مسكاه في ايدك دا.
إيليف: ملكش فيه انا حره اروح مكان منا عايزة.
فاروق: رايحة مع فولكان علي العشا مش كدا .
إيليف: مش شغلك.
فاروق: مش هتروحي انتي عارفه لو روحتي دا معناه ايه؟! ومسك إيليف من ايدها عشان يأخرها لأنه عارف فولكان مستحيل يستني حد وبالتالي هيمشي و هيعاقبها .
في بيت فولكان: مبتسم وبيختار لبسه لأنه رايح علي العشاء مع إيليف وهيكونوا لوحدهم وهيحاول يخليها تحبه، وخلص لبسه وخرج .
فولكان: أمير علي مطعم الفندق.
امير: حاضر يا فولكان بك. وصل فولكان المطعم وكل خمس دقايق يبص في الساعة ويبص في الساعة ويبص في الساعة واتعصب وخرج.
الناحية التانية عند إيليف وفاروق ..
إيليف فاروق سيب ايدي انا لازم امشي دلوقتي .
فاروق: بيبص لساعته وساب ايدها خلاص دلوقتي تقدري تروحي.
إيليف خرجت بسرعة علي مطعم الفندق وسألت علي فولكان الموظف قالها استني علي طربيزة ٤ زي ما طلب منه فولكان وعدي نص ساعة وفولكان مفيش ، إيليف لو سمحت ممكن تكلم فولكان بك وتقوله اني مستنياه .
الموظف: حاضر يا فندم. الو فولكان بك الآنسة إيليف في انتظار حضرتك.
فولكان: قولها تستني كمان نص ساعة وبعدها اديها العشا بتاعي وقولها تجيبه علي البيت.
الموظف: حاضر يا فندم....
الموظف: فولكان بك بيقول لحضرتك استنيه .
إيليف: اوكي. وبعد نص ساعة ادي الموظف العشا لإيليف عشان توصله بيت فولكان.
إيليف: بعصبيه في نفسها بعد ما قالي استني كل دا وفي الاخر مش هيجي ، كان قال من الاول.اووف وراحت البيت عند فولكان .
إيليف: دق دق دق
الخادمة: فتحت الباب وقالت لايليف تستني فولكان بك في الصالون.
إيليف: اوكي.
نزل فولكان وقال لايليف اتاخرتي اوي ، انا اول مرة حد يخليني استناه.
إيليف: انا آسفة الطريق كان زحمة ومقدرتش اوصل علي المعاد.
فولكان: وكمان شايف انك ملبستيش الفستان اللي جيبتهولك.
إيليف: اتأخرت في الشغل وملحقتش اجهز.
فولكان اخد منها الاكل واكله للكلب بتاعه وهو بيقولها تلاقيه جاع .
وايليف: بصدمه في نفسها بعد كل دا الاكل عشان الكلب!!! واستأذنت من فولكان عشان ترجع بيتها .
فولكان: اوكي ، خلي امير يوصلك.
إيليف: لا انا عايزة ارجع لوحدي هتمشي.
فولكان: انا مديرك واللي اقول عليه هو اللي يمشي لو قولتلك متتنفسيش حتي مش مسموحلك تتنفسي.
إيليف: وافقت انه أمير يوصلها وهي مجبرة.
ومع مرور الوقت إيليف كل يوم بتروح الشركة بتحاول تلاقي طريقة تقدر بيها تجيب الفيديو اللي يثبت تورط فولكان مش باباها في الحادثة.
في الشركة:
إيليف بتفكر تاخد بطاقة الموظفين بتاعت العامله عشان تقدر تفتح غرفة الامن. قررت انها توسخ الكنبة بالقهوة وتطلب من العاملة انها تنضفها عشان تقدر تاخد بطاقتها .....
إيليف: الو لو سمحتي ممكن تيجي تنضفي الكنبة اللي في اوضتي.
العاملة: حاضر يا بشمهندس
وجات العاملة تنضف أوضة إيليف ولكن إيليف مقدرتش تاخد البطاقة منها ، خلصت العاملة شغلها ومشيت وايليف بحزن اووف برضو مقدرتش اخد البطاقة كدا شكلي مش هعرف اجيب الفيديو دا ابدا. رجعت إيليف البيت وكلمت شولة وحكتلها كل اللي حصل معاها في الشركة وهي بتحاول تدخل غرفة الامن .
إيليف : مش مصدقه اني بعد كل دا برضو معرفتش اخد البطاقة.
شولة: متزعليش النهاردة فشلتي المرة الجاية ان شاءالله هتقدري تجيبي الفيديو متستلميش.
إيليف: انا بكره فولكان اوي مش طايقة اشوفه بسببه بابا مرمي في السجن دلوقتي وهو تعبان.
شولة: هيخرج قريب ان شاءالله وعمو عثمان قوي وربنا هيظهر الحق واكيد المجرم الحقيقي هو اللي هيتعاقب في النهاية. يلا روحي نامي دلوقتي عشان متتاخريش علي شغلك بكره.
إيليف: اوكي، تصبحي على خير ♥️
شولة: تلاقي الخير ♥️
تاني اليوم الصبح في شركة فولكان....
عامله النظافة سلمت علي إيليف وعرضت عليها انها تفطر معاها ولكن إيليف رفضت قالتلها شكرا انا فطرت قبل ما اجي وموظف الامن دخل واتكلم مع العاملة وقالتله تعالي افطر معايا دا الاكلة اللي بتحبها معموله علي الفطار النهاردة ووافق الموظف وايليف رجعت في كلامها لما شافت بطاقة الموظفين بتاعت الموظف وقالت وانا هاجي معاكم انا بحب الاكلة دي اوي.
راحوا كلهم لمطعم الشركة وهما قاعدين دلقت إيليف الشاي علي الموظف واعتذرت منه وخدعته واخدت البطاقة بتاعته ومشيت وسابتهم.
إيليف في نفسها حست بفرحة كبيرة انها خلاص نجحت وهتقدر تجيب الفيديو دلوقتي وفعلا دخلت غرفة الأمن وحملت علي فلاشتها الفيديوهات الخاصة باليوم اللي باباها راح فيه الشركة عشان يسلم فولكان الطلب بتاع تعطل الاسانسير وانه لازم يوقفه وممنوع حد يستخدمه لحد ما يصلحوه. خرجت إيليف بسرعة وسابت البطاقة علي المكتب وقفلت الغرفة، قبل اما تخرج من الشركة قابلت فولكان ...
فولكان: إيليف رايحة فين؟
إيليف: دا انا لسه جاية وداخله مش خارجة.
فولكان: اوكي تعالي معايا.
إيليف: مشيت جمب فولكان وهي فرحانه انها هتقدر تخرج باباها وهتخلص من فولكان وشره.
في الناحية التانية هنرجع لموظف الأمن..
الموظف: بيدور علي بطاقته مش لاقيها ، بينه وبين نفسه يمكن نسيتها جوا... عند موظف الأمن التاني شكلي نسيت بطاقتي جوا .
الموظف 2: دقيقة افتحلك الباب .. فتح الموظف الباب ودخلوا شافوا البطاقة اللي علي المكتب .
الموظف 1: ربنا ستر وموقعتش في مكان تاني.
الموظف 2: خلي بالك المرة دي لقيتها بعد كدا ممكن تتسبب في طردك.
الموظف 1: آخر مره ان شاءالله. يلا رايح اشوف شغلي وانت كمان روح شوف شغلك.
كل واحد راح لشغله.
