هاي يا حلوين ♥️♥️♥️
وقفنا عند خيبة أمل إيليف لما شافت انه المشاهد اللي في الفيديو متغيرة وانه مش هتقدر تخرج باباها من السجن...
إيليف: لمعت في دماغها فكرة وقررت تحاول تثبت لفولكان انها بتحب شغلها وعايزة ترجع الشركة من جديد ، فقررت انها تروح الأرض مكان المشروع بتاعهم وتاخد القياسات وترسم مخطط للمشروع وكدا يرجعها.
وقفت تاكسي وراحت علي مكان المشروع وهناك خدت كل القياسات وبعدها رجعت علي بيت فولكان.
إيليف: دق دق دق.
الخادمة: بشمهندسة إيليف فولكان بك عنده ضيوف علي العشا.
إيليف: روحي قوليله اني انا هنا.
الخادمة: حاضر يا فندم.
راحت الخادمة عند فولكان وقالتله إيليف هنا وفاروق وعيلته كانوا معزومين علي العشا عند فولكان وأصلي، فرح فولكان ولكن فاروق اتعصب واضايق في نفسه ومامته لاحظت دا لما سمعت اسم إيليف، افتكرت حبيية ابنها اللي سابها فجأة.
فولكان: ممكن تبتدوا الاكل انتوا لحد اما ارجع وراح فولكان يستقبل إيليف. فولكان عايزة ايه انا اللي اعرفه انك سيبتي الشغل النهارده.
إيليف: دا قياسات المشروع.
فولكان : إيليف انتي خلاص مش معانا في المشروع انتي مش مستوعبة عملتي ايه.
إيليف: انا اللي سرقت جهازك ولما اتمسكت خوفت وكدبت.
فولكان: وايه اللي يخليني ارجعك انتي بالذات.
إيليف: انا بحب شغلي اوي ومتمسكة بيه وبعدين انا سرقت جهازك لاني كان عندي فضول كبير من ناحيتك.
فولكان: ابتسم وفرح في نفسه وقالها عايزة تعرفي ايه عني.
إيليف: كل حاجة عجبتني شخصيتك وحسيتك إنسان غامض عشان كدا اخدت الجهاز.
إيليف: كانت ماشيه ولكن فولكان وقفها قالها علي فين انا لسه مقررتش اذا كنت هرجعك ولا لا .
إيليف: علي البيت انا تعبت اوي النهاردة.
فولكان: لا انتي هتتعشي معانا. وقال للخادمة تجيب طبق لايليف ومسك ايدها وراحوا علي مكتبه.
فولكان: فتح خزنة وكان فيها شرايط تسجيل كتير ومكتوب عليها اليوم والتاريخ. وقالها دي الحاجة اللي ورثتها من بابا، تعتبر الحاجة الحلوه اللي اخدتها منه كنت بتمني اني مشبهوش بس كل اما ابص للمراية بشوف بابا قدامي . وقالها تختار واحد.
إيليف: مسكت واحد عشوائي وقالتها دا.
فولكان: سمعها الشريط فيه ايه وكان عباره عن تعذيب باباه ليه وهو صغير .
إيليف: حست بالحزن .
فولكان: انتي فاكره انه دا أصعب حاجة. دا ولا حاجة من اللي عيشته، جيلنا اتظلم اوي.
إيليف: .......
وخرجها فولكان معاه وراحوا عند فاروق وعيلته عشان العشا مع اعتراض إيليف بحجة هدومها اللي مش مناسبة ولكن عرضت اصلي علي إيليف تديها هدوم من عندها.
فولكان: كدا معندكيش حجة أصلي حلت المشكلة.
إيليف مشيت مع أصلي لاوضتها واللي كانت مليانة بصور ليها هي وفاروق، اصلي : ثانية هوريكي حاجة انتي اول واحده تشوفيها وطلعت بدلة لونها اسود وقالتلها ايه رأيك حلوة دي جبتها لفاروق هدية هتطلع عليه حلوة اوي ودا لونه المفضل.
إيليف:.....
أصلي دقيقه هشوفلك حاجة مناسبة ليكي. وجابت فستان كحلي ورجعت في كلامها قالتها مش هيبقي حلو عليكي (حرباية)😂 ورجعت جابت واحد اسود وقالتلها دا مناسب وايليف قالتلها مفيش داعي هدومي كويسه هغسل وشي بس وسابتها وراحت الحمام.
فاروق وقف استناهم تحت وشافته أصلي قالها قلقت عليكي وجيت اشوفك وراحوا مع بعض علي السفرة.
ورجعت إيليف علي السفره وقعدت جمب فولكان اللي كان فرحان بوجودها. وبعد العشا قررت أصلي توريهم الفساتين اللي هتلبسهم في الفرح وتاخد رأيهم عشان عايزة تاخد رأيي حد قبل الفرح ، ولبست اول فستان كانت هتقف جمب فاروق ويعملوا استعراض لدخلتهم الفرح ولكن فاروق في نفسه مش طايقها فقرر يدلق العصير عليها من غير قصد يعني🙂😂 وكلهم اتوتروا واصلي اتصدمت ومامتها قالتها دا فال مش كويس ولكن فولكان هدي الليلة وقالهم دا مجرد حادثة متكبروش الموضوع.
أصلي: قررت انها مش هتلبس الفستان دا وهتشوف واحد غيره.
سمر: هو هاندا مش موجوده(في نفسها بتسأل علي ابن هاندا مراد 😂)
أصلي: عندها شغل شوية وهتيجي، ورجعت هاندا وابنها مراد وقعدوا معاهم.
سمر: مراد عامل ايه؟
مراد: الحمدلله.
وفضلوا يتكلموا كلهم مع بعض.....
هاندا: مراد مش هتغير عربيتك غير لو نجحت .
مراد: كدا مليش غيرك يا خالو.
هاندا: الله يسامحك، دا بدل ما تقولي أن شاءالله هنجح وهغيرها.
مراد: الكلية صعبة وانا مش بحب أذاكر.
سمر: لو في حاجة صعبة معاك انا ممكن اساعدك فيها.
مراد:......
هاندا: لو كدا هنتعبك معانا يا سمر.
سمر: مفيش مشكلة.
وخلصوا سهرتهم وكل واحد رجع علي بيته وايليف رايحه تمشي فولكان: قالها علي فين؟
إيليف: راجعة البيت عشان الحق الاتوبيس.
فولكان: أمير هيوصلك.
إيليف: لا انا هرجع لوحدي.
فولكان: قولتلك اكتر من مره انا مديرك ولازم تسمعي كلامي.
إيليف: معني كلامك اني خلاص رجعت شغلي.
فولكان: انا ازاي مش عندي رقمك؟ اديهولي.
إيليف: تليفوني فصل شحن.
فولكان: قوليه.
إيليف: وانت ازاي هتحفظه؟
فولكان: قولي.
غبيه البنت دي ما هو كل حاجة بيسجلها حتي اليوم اللي باباها كلموا فيه.
وادته الرقم ووصلها أمير للبيت.
وفولكان عرف من المحامي بتاعه انه معلومات إيليف كلها صح الموجودة في السي في وقاله اتأكد من بيتها.
وفعلا راح المحامي بتاعه للعنوان الموجود في السي في وقابل جيرانها وسألهم عنها وعرف انها ساكنة هنا لوحدها لأنها يتيمة وملهاش حد وكل دا كدب طبعا لانه لحسن حظها قابل حبيب شولة صاحبتها وهو اللي خدوا. ورجع المحامي للشركة وقال لفولكان كل حاجة عرفها عن إيليف.
البارت دا قصير بس ان شاءالله البارت اللي جاي هيكون مشوق اكتر ♥️♥️♥️♥️♥️
