Unicode
မျှော်လင့်စောင့်စားခြင်းဆိုသည်မှာ..
မိမိကမွေးမြူလိုက်သည့် မိမိစိတ်ကို ပြန်ညှဉ်း
သတ်နိုင်မည့် စိတ္တဇနာမ် လက်နက်တစ်စုံသာ
ဖြစ်ကြောင်း ဆရာ့ကိုချစ်မိခဲ့ရာ၌ ကျွန်တော်သိရှိ
ခဲ့ရသည်။******
သက်ဝေသည် သူ့အိမ်မှထွက်လာခဲ့သောညမှ
စကာ ယခုနောက်ပိုင်းများ၌ သက်ဝေ၏ပုံစံမှာ
အမြဲငူငူငိုင်ငိုင်နှင့်သာတွေ့ရတတ်တော့သည်။
မျက်နှာနွမ်းနွမ်းနှင့် သက်ဝေဟုဆိုရာတွင်
မပျော်ရွှင်ခြင်းနှင့်ဝမ်းနည်းစိတ်များကလည်း
ဒွန်တွဲကာပင် ငြိတွယ်၍ပါဝင်လာနေခဲ့သည်ကို
ပြေငြိမ်းဆွေ သတိမူမိနေ၏။သက်ဝေ..သက်ဝေက စိတ်ဆတ်၊စိတ်တိုလွယ်
လာသည်။စိတ်အတက်အကျလည်း မြန်ဆန်လာ
သည်။မျက်တွင်းများကျကာ မျက်နှာမှာလည်း အတော်လေးပင် ချောင်ချသွားသည်။လူတွေကသူ့ကိုကြည့်လျှင် သူကြောက်သည်ဟု
သက်ဝေက ပြောတတ်လာသည်။စိတ်ထံ လုံခြုံမှု
မရှိတော့ခြင်းကိုပင် သက်ဝေက ခံစားနေရပုံပေါ်
၏။ဒါကို ပြေငြိမ်းဆွေလည်းသိသည်။တစ်ခါတလေဆို လူကသာထိုင်နေသည်။
စိတ်များက မည်သည့်ထံ ရောက်နေမှန်းမသိ
ရောက်နေတတ်သော သက်ဝေ၏ပုံစံနှင့်
တက်ကြွမှုမရှိတော့သော သက်ဝေ၏ဟန်ပန်က
မွန်းကျပ်ကာ နာကျင်စရာကောင်းနေသည်။ပြေငြိမ်းဆွေကမူ သက်ဝေကိုသာ တွေတွေကြီး
ငေးကြည့်နေတတ်ဆဲဖြစ်သည့်အလျောက် သက်ဝေအပေါ် ဂရုစိုက်ပေးခြင်းလည်း မပြတ်ခဲ့ပါ။**
"သက်ဝေ"
"ဟင်"
"ဘာလုပ်နေတာလဲ သက်ဝေ"
"ဒီမှာလေ ကျွန်တော်ခဲတံချွန်နေတာဆရာ.."
ကျွန်တော့်လက်ထဲရှိ 2Bခဲတံအား ဆရာ့ကို
မြှောက်ပြမိကာမှ ကျွန်တော့်မှာ ဆွံ့အရတော့
သည့်အဖြစ်ပါ။ခဲတံ၏ပုံစံမှာ အလယ်ကခဲသားအချောင်းကြီးသာ ကျန်ရှိတော့သည်အထိ
ကျွန်တော် ခဲတံကိုချွန်ပစ်မိထားသည်။
ESTÁS LEYENDO
ငွေလမင်းရယ် မပြုံးနိုင်ရှာ(Completed)
RomanceTitle-ငွေလမင်းရယ် မပြုံးနိုင်ရှာ Author-လီလီဟန် လမသာသော နှလုံးသားဝင်္ကပါနှင့်ဖြစ်နေပါ လျှင်လည်း ကျွန်တော့်နှလုံးသားအား နွယ်တစ်ပင်လို သူနွယ်တတ်ပါစေလေ။ ၇.၁.၂၀၂၃(စနေ) Art by TSIYURI(Suyi) Title-ေငြလမင္းရယ္ မျပဳံးနိုင္ရွာ Author-လီလီဟန္ လမသာေသာ ႏွလုံးသ...