Unicode
လေရူးတွေဟာ နွေဦးကို ကြိုဆိုနေကြောင်း
ရွက်ဝါများကို ကြွေကျစေခြင်းအားဖြင့် သဘာဝ တရား၏ ပုံဖော်ပြနေခြင်းကိုပင် ကျွန်တော် သည်ကနေ့ ခံစားသိရှိလိုက်ရသည်။ဆရာက ကျွန်တော့်ကို နွေဦးနှင့်တင်စားတတ်
သော ဆရာ့၏နွေဦးမှာ အမှန်တကယ်ပင်ရောက်
ရှိလို့လာနေ၏။သို့ရာတွင် နွေညကိုမျှော်လင့်နေသော ဆရာ့ဆန္ဒသည်လည်း ပြည့်မြောက်တော့မည်။ဪ..နွေဦးနွေည..။
ကျွန်တော့်အတွက်တော့ ပူလောင်ရတဲ့နွေဦးနွေည။
ဆရာ့အတွက်တော့ ကဗျာဆန်စေခဲ့ရတဲ့ နွေဦးနွေညတွေပါတကား။"မင်းက နွေဦးလိုပဲ..၊ငေးကြည့်နေရရင်တောင်မှလေ လွမ်းဆွတ်တမ်းတရတဲ့ နွေဦးသက်ရှိလိုပဲ
သက်ဝေရယ်"လို့ ပြောတတ်ခဲ့သောဆရာပါ။
ကျွန်တော့်အသည်းနှလုံးကို ကဗျာဆန်ဆန်ခြွေ
ယူတတ်သော ဆရာပြေငြိမ်းဆွေပါ။ရွက်ကြွေများသည် မြေပြင်ထံခစားနေလျှင်
အပင်များထံ အရွက်များကပြုန်းကြတော့မည်။
သို့ရာတွင် ရွက်သစ်ပုရစ်ဖူးကလေးများက
စိမ်းစိမ်းစိုစို ကြော့ကြော့မော့မော့တစ်ဖြစ်နှင့်
လည်း မြိုင်မြိုင်ထွက်စပြုလာပေဦးမည်။ဪ..ဘဝအလှပါတကား။ငွေလ၏ မျှော်လင့်
စောင့်စားနေခြင်းပါတကား။ကျွန်တော် ညီမလေးပုံ့ပုံ့ကို စက်ဘီးဖြင့်
ဂရမ်မာသင်တန်းကိုလိုက်ပို့ပြီးကာမှ သင်တန်း
အိမ်၏ဘေးခြံသို့ ကျွန်တော့်အကြည့်များက
ရောက်သွားသည်။ဘေးခြံသည်..ဒေါ်မိဂျမ်းတို့နေထိုင်ရာ အိမ်အခန်းတွဲများဖြစ်သည်။ခြံထဲ၌ အိမ်ခန်းတွဲများဆောက် ထားကာ သူတို့တတွေကတော့ ငှားနေရသူများ
ဖြစ်လင့်ကစား ယခုတော့ ပစ္စည်းများအား
အပြင်ဘက်သို့ထုတ်ထားကြသည်။ကားပေါ်သို့
ရွှေ့တင်နေကြသူများကလည်း တင်နေကြသည်။"အကုန်လုံး အိမ်ပြောင်းကြတာလား"
ကျွန်တော် ဘာမှန်းမသိစွာ ရေရွတ်မိလိုက်၏။
ဒေါ်မိဂျမ်းတို့တတွေမှာလည်း မျက်နှာများ
မကောင်းကြပါ။အဲ..သို့ပေမင့် ကျွန်တော့်ကို
မဟုတ်မမှန် အတင်းအဖျင်းများပြောကာ ယိုးစွပ်
တတ်ကြသည့် ထိုသူ(မ)တို့..သည်ရပ်ကွက်၌မရှိ
ကြတော့ခြင်းကိုပင် ကျွန်တော်ပျော်ရမည်လော။ပျော်လိုက်သင့်ပါသလောလေ။
ESTÁS LEYENDO
ငွေလမင်းရယ် မပြုံးနိုင်ရှာ(Completed)
RomanceTitle-ငွေလမင်းရယ် မပြုံးနိုင်ရှာ Author-လီလီဟန် လမသာသော နှလုံးသားဝင်္ကပါနှင့်ဖြစ်နေပါ လျှင်လည်း ကျွန်တော့်နှလုံးသားအား နွယ်တစ်ပင်လို သူနွယ်တတ်ပါစေလေ။ ၇.၁.၂၀၂၃(စနေ) Art by TSIYURI(Suyi) Title-ေငြလမင္းရယ္ မျပဳံးနိုင္ရွာ Author-လီလီဟန္ လမသာေသာ ႏွလုံးသ...