بيت العيله
الحلقه8
مريم:انت ازاي تمسك ايدي كده واحنا لسه ماتكتبش كتابنا
ايهاب :وايه يعني ماانا كنت بمسك ايد اميره وبنتمشي
مريم:مش عشان هي بتعمل حاجه غلط وعجباك وجايه علي هواك يبقي معناها انها تبقي قدوتي واعمل زيها الغلط انا حاجه وهي حاجه واللي توافق عليه انا مارضاش بيه
ايهاب:بس انا ابن عمك كمان قبل ماابقي خطيبك وكمان مانا بمسك ايد داليا واحنا ماشيين مانتي زيها
مريم:ايه يعني بن عمي اجنبي بالنسبه ليا زي اي حد غريب انما ازاي تقارن اختك بخطيبتك دي حاجه ودي حاجه تانيه خالص
ايهاب:طب ماانا همسكها ف الشبكه والبسهالك
مريم:ومين قالك اني هسمحلك تمسكها مامتك اختك اي حد يلبسهاني
ايهاب:ماشي ياست الشيخه
مريم:انا مش شيخه ولا حاجه وعاديه جدا بس في حاجات ممكن توقعنا ف معاصي كتير واحنا مش حمل ذنوب مش هموت يعني لو مامسكتش ايدي
طالما ممكن تجنبنا معاصي كتير بلاها مسكه ايد
ايهاب:طب تعالي ننزل نتمشي ومش همسك زفتتك
مريم:واخرج معاك بتاع ايه
ايهاب:مش قرينا فاتحه
مريم:وايه يعني افرض سيبنا بعض ابقي مقضياها معاك من غير مانجوز واسيبك واروح لواحد تاني واقضيها دا ايه الغلب ده
لا طبعا لو في كتب كتاب بس اللي اخرج معاك انت مش من محارمي لما تبقي منهم اخرج معاك
ايهاب:تصدقي انتي بت خنيقه وانا غلطان اني طلعتلك انا ماشي
مريم:مع السلامه
ربنا يهديك ياايهاب
..............
فاطمه:ظلت تفكر واستخارت واحست براحه في هذا العرض الذي عرضه عليها فهو ليس جواز ولكن سيقيها اساله زملاءها مافيش حد جالك تاني وامها والحاحها وفي نفس الوقت ليس زواجا
وقررت ان تتصل به
فاطمه:السلام عليكم ياشمهندس
عادل:وعليكم السلام كنت منتظر اتصالك
فاطمه:ليه يعني واثق اني هتصل
عادل:اكيد انا عارف انك موافقه من ساعه ماكلمتك
خبير بقي ف الصفقات
فاطمه:اه صحيح نسيت انك مهندس شاطر ف عملك
طب دلوقت هنعمل ايه
عادل:خدي معاد وهاجي انا ووالدتي واشرف
اتقدملك ونتفق ومن انهارده هتكون في اوضه نوم جديده
فاطمه:مافيش لزوم مش هتفرق
عادل:لا ازاي بقي مش عاوزين الاهل يشكو ف حاجه وخليها جوازه طبيعيه ف العاده المراه بتغير علي جوزها حتي لو زوجته الاولي متوفيه
فاطمه:خلاص براحتك بس بالنسبه ليا مش فارقه
عادل:خلاص خدي معاد وانا جاهز ف اي وقت
فاطمه:هكلمهم انهارده وابلغك
عادل:اوك عاوزه حاجه
فاطمه:متشكره
عادل:سلام
فاطمه:سلام.
............
ايهاب :الو ايوه يامعاذ انت فين
معاذ :انا هنا ف البيت ياحبيبي مال صوتك
ايهاب :مخنوق يامعاذ عاوز اكلم معاك انت عارف اانا مابرتحش الا معاك
معاذ:مستنيك ياباشا وعمتك هتمنجهك
.......
ذهب ايهاب لمعاذ
معاذ :مالك ياد فيك ايه انت مش خلاص هتخطب مريم بنت خالي
ايهاب:بلا مريم بلا زفت هي كمان انا اتخنقت منها قبل ماخطبها
مريم:ايه يلا لحقت انت بتغير فيهم زي الشرابات دي مريم حتي جميله وهاديه
ايهاب :وانا جايلك تتغزل فيها قص علي معاذ ماحدث بينه وبين مريم
معاذ بانبهار :والله بت جدعه ومافيش منها اليومين دول دي تحرص عليها وماتسبهاش
اديك شايف بنات اليومين دول تبقي مع ده تسلت ايدها منه علي واحد تاني انما دي عمله نادره تحرص عليها وهي اللي تصون شرفك وعرضك
داانا مقاطعهم بسبب مافيش ثقه عندي فيهم
انما تاخد واحده من ايهاهم انت ضامن انت الكام ف السلسله بتاعتها
نصيحه ماتفرطش فيها
انا معرفش انها كده انا باجي نادرا عشان انت عارف مسؤليه الشركه بتاعه والدي اماكبرت عمي كان مسؤل ودلوقتي بقي عندي مسؤليه كبيره فماباجيش عندكو الا ف الاعياد اسلم علي جدي وجدتي
ايهاب:عارف ياعم الله يكون ف عونك
انا ماشي بقي تقلت عليك
معاذ:لا والله دي عمتك عملالك عشوه معتبره
بدل مادبس فيها لوحدي
ايهاب:ماشي ياعم اعتقك منها واكل معاك
معاذ:احبيبي يااوبه ونعم الاخوه ف السراء والضراء
ايهاب:مش عارف حاسس انها دايما ف الضراء ليه
معاذ:هههههه ياد صفي النيه
أنت تقرأ
بيت العيله
Roman d'amourرفضها وتزوج من يحبها فتزوجت غيره ليجمعهما القدر مره اخري ولكن بوجوه اخري انقلب فيها المحب والمحبوب
