"رواية اجمل ما في حياتي"بقلم Mai Ahmed"
------------------------------------------------------------
"في الكليه"
قاعده سحر في الكافيتريا تنتظر حور..........بعد ربع ساعة جت حور وشافت سحر قاعده سرحانه قطعت سرحانها وقالت : انسيه ياسحر ومتفكريش فيه.
سحر بعدم فهم : نعم قصدك ايه مأخدتش بالي من كلامك و جيتي امتا .......معلش اعذريني كنت سرحانه.
حور : بقولك انسي يوسف ومعدتيش تفكري فيه وحاولي تشيليه من قلبك وعقلك.
سحر : اه فهمت قصدك ....والله ياحور بحاول بس مش قادره هيا حاجه مش بالسهوله دي يعني في الاول ولا في الاخر هو حبي الاول والحب الاول مبيتنساش بالسهوله دي.
حور بتفهم : عارفه بس حاولي يا قلبي معلش وانا معاكي.....
سحر بحزن : بحاول وهنساه في يوم من الأيام....المهم بقا هاتلبسي ايه بكره في الخطوبه.
واكملت حور : والله انا لسه مشترتش حاجه اصلا كنت جايه اقولك تيجي معايا انهارده بعد الكليه نشتري فستان.......بس الكلام خدنا ونسيت اقولك .....قوليلي بقا انتي هاتلبسي ايه؟!
سحر : طبعا هاجي معاكي هو انا عندي كام حور يعني....والله ياستي انا عندي فستان طويل وليه ديل من تحت من الجنب دوران صغير..كان صديق بابا جايبلي الفستان ده هديه في عيد ميلادي من سنتين....
حور بهزار :اوه ماي جاد شكلك كده هتغطي علي العروسه يا حلوه.
سحر بنفي : لا طبعا في النهاية العروسه اختي بس الفستان ده كنت سيباه للوقت المناسب.
حور:امم فهمتك....طيب يالا علشان ورانا محاضره ومتخافيش يوسف مش هيجي الكليه انهارده ومش هتشوفيه.....
سحر وهيا تحاول أن تمزح : فهماني انتي اه منك سوسه..يالا قومي علشان لما نخلص محاضرات هخرج معاكي ....هكلم ماما اقولها اني هتأخر علشان متستننيش علي الغدا.
حور : ماشي كلميها يالا علشان ندخل المحاضره بس بسرعه.
رنت سحر علي مامتها وقالتلها ووقفلت معاها ودخلت المحاضرة مع حور.
--------------------------------------------------
تاني يوم وهو يوم الجمعه.. اليوم اللي سحر بتتمناه يطلع حلم ومش حقيقه.
"في بيت سحر"
سحر : ماما فين الفستان اللي هو كان عمو "علي"صاحب بابا جايبهولي هديه.
هناء بتذكر : اه معايا انا محتفظه بيه علشان حضرتك مهمله شويه.....خمس دقايق وهيبقا عندك.
راحت هناء جابت الفستان وفعلا كانت محتفظه بيه ومافيش فيه خدش وكأنه لسه جاي حالا.
أنت تقرأ
رواية اجمل ما في حياتي🌝🤎
Nouvellesحكاية سحر.......كسر قلبها مره من اقرب شخص لها .....و فقدت احن شخص عليها بهذا العالم منذ صغرها فوضعت وجعها كله أمامها و أكملت طريقها....ولكن يخبئ لنا القدر اشياء جديده سنعرفها في الأحداث☺️🥰🥰 هل حبك سيكون نور لقلبي ام لا وهل أنا كنت علي حق عندما احب...
