رواية اجمل ما في حياتي🌝🤎

البارت السابع🤎

((البارت السابع)) "رواية اجمل مافي حياتي"بقلمMai Ahmed"
--------------------------------------------------

#:انا كريم.

((مدت سحر ايديها وسلمت علي كريم وقالت)):وانا سحر اتشرفت بمعرفتك؛بس انت ماكنتش بتحضر المحاضرات صح؟؟

كريم:صح انا كنت مسافر مع والدي استراليا كنا مستقرين هناك وانا نزلت ايام الامتحانات وعيلتي لسه هناك؛بس انا نزلت مصر في نص الدراسه وحضرت مره محاضره واتعرفت علي يوسف وحور بس انتي كنتي غايبه اليوم ده علي ما افتكر يعني وكانت حور حكيتلي عنك.

سحر بتفهم:اه فهمت؛اهو اتعرفنا وممكن نبقا اصدقاء لو انتا حابب.

كريم بفرحه:اه طبعاً موافق ليه لا؛وبمناسبة نجاحنا وبالأخص سحر لانها متفوقه علينا وصداقتنا اللي هبتديها معاكوا حابب اعزمكوا علي العشا انهارده بليل في مطعم كلاسيكي اكلت فيه مره لما نزلت مصر.

حور:انا موافقه.

سحر:وانا موافقه.

يوسف:وانا كمان موافق.

كريم :تمام يبقا نتقابل علي الساعه تسعه في المطعم وهبعت لكل واحد فيكم موقع المطعم.
اتفقوا كلهم سوا وكل واحد راح علي بيتوا.

--------------------------------------------------

"في بيت سحر"

دخلت سحر وهيا فرحانه وبتنادي علي مامتها:يا هناء يانؤه.

جت هناء جري وسامعه صوت زعيق سحر وفرحتها:في ايه اهدي ؛ها عملتي ايه شكلك كده نجحتي.

سحر بفرحه:مش نجحت وبس ده انا من الاوائل علي الدفعه.

هناء بفرحه ودمعه نزلت من عينيها((قربت سحر من هناء وباستها في جبينها وحضنتها))وكملت هناء وقالت:ها مش هانحتفل انا وانتي زي كل سنه ولا ايه.
سحر وهيا تتصنع الحزن:والله كان علي عيني يا نؤه بس اصحابي خارجين يحتفلوا وعرضوا عليا وانا وافقت ؛بصي هو مش عرض هيا عزومه وفي واحد عازمنا كلنا علي العشا.

هناء بأستغراب واحد مين!!

سحر:هقولك واحد اسموا كريم..................
حكت سحر كل حاجه مامتها.

هناء:اه تمام ماشي هاتمشي الساعه كام وهتيجي الساعه كام؟

سحر:هانمشي الساعه تسعه.. اما بقا هرجع امتا ف الله اعلم بس اوعدك مش هتاخر.

هناء بحب:ماشي ياحبيبتي اسيبك انا بقا وادخل اجهز الغدا واسيبك تغيري هدومك وتنزلي تتغدي

معايا؛بس ماتنسيش هحتفل انا وانتي.

سحر:اوعدك والله ؛انا طالعه بقا اغير هدومي وارتاح شويه لما تخلصي الغدا.

اومأت ليها هناء ودخلت المطبخ وطلعت سحر اوضتها.

دخلت سحر اوضتها وغيرت هدومها وفتحت الدولاب وابتدت تختار فستان مناسب تلبسوا........ بعد وقت دخلت عليها هناء الاوضه لقيتها مخرجه كل الفساتين ومحتاره تختار ايه.. وكانت سحر ماسكه في ايديها فستان اسود طويل لبعد الركبه بشويه وكان مقفول من فوق ومش مبين حاجه من جسمها من فوق وكان الفستان اسود ساده مافيش فيه اي رسمه او حتي لمعه وهادي جدا وجميل.