"رواية اجمل ما في حياتي "بقلمي Mai Ahmed.
---------------------------------------
قطع شرود سحر في حزنها ووجعها يوسف وهو يقول : سحر يا بنتي انتي معانا ؛ انا واقف جمبك بقالي ربع ساعه وانتي ولا انتي هنا.
سحر بحزن ووجع : معلش كنت بفكر في حاجه كده.....كنت بتقول حاجه.
يوسف : اه كنت بقولك خطوبتي يوم الجمعة وكنت بدعيكي بس انتي ماكنتيش هنا كنتي سرحانه ومش معانا خالص.
سحر بحزن لكن بتحاول تكون مبسوطه ليه : اه بجد مبروك يا يوسف بجد فرحتلك من قلبي.....بس خبيت عننا يعني عملت كأننا غراب عن بعض.....
يوسف : الله يبارك فيكي.......والله مش كده انا أصلا مكنتش اعرف ان الخطوبه هتيجي بسرعه كده لأنها كانت مسافره من فتره و جت فجاه......علي العموم عقبالك ياقلبي .....بس مالك شكلك تعبانه فيكي حاجه.
سحر بحزن وهيا مش عارفة تقول ايه : ايوه فهمتك ربنا يفرحكم ببعض.....لا انا تمام مافيش حاجه يعني بطني بس بتوجعني علشان لسه ماكلتش حاجه هاروح اشتري حاجه من الكافيتريا.
منتظرتش سحر رد من يوسف ولا حور وراحت جري علي الكافيتريا وهيا جواها وجع وحزن وكسره وخيبة امل.
راحت سحر الجنينه خلف الكليه وقعدت وهيا ماسكه قلبها وحسه انو هيخرج من الوجع وابتدت تبكي بحرقه ووجع ونار جواها. وبتسال نفسها : ليه هو محبنيش انا ، هو انا وحشه لدرجة انوا مش شايفني.... ليه يارب ليه وابتدت تصرخ بوجع... عاااااااااااا ليه يا رب.
فجاه شافتها حور وراحت جريت عليها لما شافتها بتصرخ وبتبكي وقاعده في الارض وبكاها بيزيد.
جريت عليها حور وهيا حزينه علي صحبتها عشان شيفاها وكده وضمتها وقالت : مالك ياسحر انا اتخضيت عليكي علشان غيبتي وفكرتك جرالك حاجه ولما روحت الكافيتريا وملقتكيش خوفت عليكي اكتر انتي اللي فيكي ده مش وجع بطن (ضمت حور وش سحر بين ايديها وهيا بتبكي)قوليلي مالك بالله عليكي مالك.
وقفت سحر من علي الارض فجاه ومسحت دموعها واخدت شنطتها وكانت ماشيه.
قاطعتها حور وشدت ايديها بخوف وحضنتها وقالت : مالك يا سحر حد عمل فيكي حاجه في حاجه حصلت ردي عليا متسيبينيش كده انا قلبي واجعني عليكي.
بعدت عنها سحر وهيا بتصرخ من الوجع اللي فيها : عيزاني اقولك ايه !! اقولك اني غبيه اقولك اني حبيت واحد مش حاببني ولا حتي شايفني.. عيزاني اقولك ايه اقولك ان قلبي انكسر من الوجع اقولك ان اللي حبيتوا خلاص مبقاش ليا ولا هيبقا ملكي اقولك ايه ولا ايه.
اقتربت حور منها واخدتها من ايديها وقعدتها علي الكرسي وابتدت تهدي فيها : طب اهدي مش عايزه اعرف حاجه دلوقتي انتي اهدي بس وبعدين نتكلم.....انا هاروح اجيبلك مايه واجي.
راحت حور جابت مايه و أعطتها حتي تشرب ثم اخدت منها الازازه قفلتها وقعدت جمبها وضمتها ليها بحزن ووجع علي حالة صحبتها.
ساد الصمت بينهم لدقايق وقطعته سحر : انا هقولك وهفضفضلك بس اوعديني انك مش هتقولي لحد.
حور بصدق : والله ماهقول لحد خالص وانتي عارفه كده.....بس انتي اهدي وبعدين نتكلم.
سحر بحزن : لا انا هتكلم حالاً علشان معدتش قادره عايزه افضفض ، اخدت سحر نفس وابتدت تحكي لحور كل حاجه................ اهو ده اللي حصل ياستي وانا ارتحت لما فضفض معاكي.
حور بذهول : يعني كل السنين دي بتحبيه وماقولتيش لحد خالص حتي انا ... انا ياسحر اللي مبخبيش عنك حاجه مخبيه عني انك بتحبي يوسف من زمان ومخبيه عني كل ده وغير كده قادره تخبي سر وحب قد كده كل السنين دي.
سحر بحزن : والله ماكنت اقصد اخبي عنك بس كنت خايفه اطلع مبحبوش ويطلع حب تعود اقصد يعني اكون بحبه علشان معايا علي طول واتعودت عليه.. بس ونبي متزعليش مني وانا خوفت خوفت اعترف ليوسف ليبعد عني وانا ماكنتش هستحمل بُعدوا عني.
حور بصدق وتفهم : انا مش زعلانه منك انا زعلانه علي قلبك اللي اتكسر ده ....بس ان شاء الله ربنا هيعوضك خير ويوسف مش نصيبك بكره يجيلك نصيبك ويحبك وتحبيه.
اومأت لها سحر بتفهم وخرجت معاها حور علشان توصلها البيت. 💔
أنت تقرأ
رواية اجمل ما في حياتي🌝🤎
Cerita Pendekحكاية سحر.......كسر قلبها مره من اقرب شخص لها .....و فقدت احن شخص عليها بهذا العالم منذ صغرها فوضعت وجعها كله أمامها و أكملت طريقها....ولكن يخبئ لنا القدر اشياء جديده سنعرفها في الأحداث☺️🥰🥰 هل حبك سيكون نور لقلبي ام لا وهل أنا كنت علي حق عندما احب...
