🌸زوجوني_منقبة_2🌸
Aicha_mos
🌸البارت 26🌸
وصلو للدار وحلات الحاجة خديجة الباب بزعفة محاملاش راسهاا....بتاسمات ابتسامة صفرة تتشوف فحفصة : دخلي مرحباا بيك
حفصة قالت بخجل وصوت شبه مسموع : ترحب بيك الجنة
دخلو للصالة المفرشة فراش تقليدي...جلسات حفصة وحطات عمران فوق فخادهاا تتلعب معاه وهدى جلسات قدامهاا تتعض على سنانهاا مفقوصة...أما أحمد جر عندو الحاجة خديجة وهمس ليهاا فوذنهاا
أحمد : كبري بيهاا الحاجة منحتاجش نوصيك ...انا غادي نخرج من بعد ونجي ندي عمران
الحاجة خديجة بتاسمات ليه : الله ياودي متخافش سير الله يسهل عليك
أحمد حنى راسو وخرج : آمين
الحاجة خديجة مع تسد لباب ضارت تتشوف فحفصة بتعالي هازة حاجبهاا : اش تشربي
حفصة شافت فيها حشمانة : مبغي**
الحاجة خديجة قاطعاتهاا : اه مبغيتيش عاد شربتيه ماشي مشكل (مشات لبيتهاا وبدلات حوايجهاا وزادت دبالج الذهب على ايديهاا...ورجعات جلسات حدا هدى هازة رجل على رجل وتهضر مع هدى بايديهاا وصوت الدبالج عالي ) بنت ختي الحبيبة
هدى شافت فيها : نعام
الحاجة خديجة غمزاتهاا : ليوم إن شاء الله ندور مع أحمد ونححدو نهار زواجكم
هدى عينيهاا لمعوو وقلبهاا طار بالفرحة حتى شافت الغمزة وعرفاتهاا غير تتهضر باش تسمعهاا حفصة...عضات شفايفهاا فيها البكية وهضرات بصوت منخفض حانية راسهاا : امم
حفصة مكتسمعش ليهم اصلا مدات ايدهاا تهز نقابهاا : " الصمت"
الحاجة خديجة وقفاتهاا بسرعة : غييير خلييه
حفصة شافت فيها مستغربة من ردة فعلهاا : نعم ؟
الحاجة خديجة ضحكات مفقوصة : هههه هه نتي غتمشي دابا غير خليه
حفصة حدرات عينيهاا تطبطب على ظهر عمران الي بدء يديه نعاس : "الصمت"
الحاجة خديجة عوجات فمهاا كانت بغاتهاا تراد معاهاا فالهضرة باش تجري عليهاا بالشوهة مي حفصة مدارتش الي كانت متوقعاه : قولي لياا شحال فعمرك ؟
حفصة مهزاتش فيها عينيهاا جاوباتهاا بهدوء : 24
الحاجة خديجة : كتبااني كبر كان يصحابلي عندك 29
هدى بعدما كانت حزينة وطايح عليها الضيم غير سمعات كلات خالتهاا تقادات فالجلسة وعجبهاا لحال...ضحكات بدلع : هيهيهيه لهيلا
حفصة كاع متسوقات محافظة على هدوئهاا : الله يكبرناا على طاعتو
الحاجة خديجة بدأت تعصب : آمين
هدى : تتقراي ؟
حفصة شافت فيهاا : اه فلافاك
هدى نسات راسهاا وبتاسمات بلطف : سعداتك
حفصة بقات فيهاا : ونتي مكتقرايش؟
هدى : لا كنت خرج من القراية
حفصة : باقي لحال تقدري ترجعي
هدى تحمسات : بصح !!
الحاجة خديجة قرصاتهاا كتهضر مغددة : اش غدير بشي قراية...بلاصة البنت فدار راجلهاا
حفصة تتهضر بشوية حيت عمران ناعس فحضنهاا : ايوا نقراو الحاجة حتى يجيب ربي الراجل
هدى ضحكات : ههههههههه
الحاجة خديجة مرضاتش يلاه غتجاوبهاا قاطعاتهاا حفصة وناضت حطات عمران فوق السداري بشوية وهزات نقابهاا وتحنات عندو باستو بحنية ودوزات ايدهاا على شعرو...ردات نقابهاا على وجههاا وخرجات بعد ما سلمات على الحاجة وهدى وخا مكانوش باغين دارو ليهاا سلام ناقص.....مشات لدار خالتهاا وشعور بالسعادة كيدغدغ قلبهاا كل مرة تتشوف فيهاا عمران تتزيد تبغيه وتتعلق بيه دخل لقلبهاا بلطافتوو وبرائتو
#يتبع~
أنت تقرأ
زوجوني منقبة 2( كاملة)
Short Storyزوجوني_منقبة : 2 💞الجزء الأول من القصة ، كان أول تجربة ليا فهاد النوع من القصص و لي فرحني أنها أثرات فبعض البنات إيجابيا ❤ 💞داكشي علاش قررت نجي بجزء ثاني... بأبطال جداد و أحداث جديدة و غاتكون نفس الستايل طبعا كانتمنى تعجبكم و غانفرح إلى غي...
