🌸زوجوني منقبة🌸
الجزء الثاني
البارت30
عقلها شارد فلي ملك قلبها ..فبيتها شادة الطرز بين يديها كتطرز افكارها و أحلامها بلا ماتحس غرزات يدها بليبرة و حطات كولشي من يدها كتمص صبعها من دم ...سمعات تعياط مها من لبيت كتنادي عليها باش تجي تغدا ...خرجات من بيتها و مشات لكوزينة
حفصة: عطيني نعاونك
حليمة: جيبي معاك لخبز و تبعيني
حفصة : واخا
...تبعاتها هازة الخبز و حطاتو و جلسات حدا باها كياكلو ف صمت حتى نطق خوها
عبد الله : احم جاو الخطاب ف حفصة
توفيق :(حط لخبز من يدو كيسمع ليه) شكون هادو اولدي؟
عبد الله : لعشية قالو ايجيو عندنا و تعرفوهوم
حليمة: ماوجدنا واالو
عبد الله : هوما بغاو غير اهضرو (شاف ف حفصة) اشبان ليك
حفصة:(حناكها حمارو و تزنكات كتشوف فيهم ) لي بغيتي اخويا
توفيق: الله ادير لي فيها لخير
...كملو لغدا ديالهم و هي بزز باش كدوز اللقمة من حلقها و كتفكر ماقدراتش تزيد تكمل و ناضت
حفصة: الحمد لله
حليمة: ماكليتي والو
حفصة: شبعت الله اخلف
..ناضت بسرعة مشات غسلات يديها و حكات سنانها و دخلات لبيتها نعسات فوق النموسية كتفكر فهاد لي بغا يجي يخطبها و قلبها تزير عليها لدرجة شدها لبكا ..تمنات كون لي ملك قلبها هو لي جاي يطلب يدها لكن سرعان ما نعلات شيطان و قالت الخي فيما اختاره الله و نفضات افكارها...تعاشات العشية و جات عمتها عندهم كتعاون مها و مشات طل على حفصة
فتيحة: لالة لعروووسة
حفصة: اهلا عمتي جيتيي
فتيحة : وكفاش منجيييش أاا؟مازال ماوجدتي راسك راه ناس قربو يجيو
حفصة: شنو انوجد؟ ماغاديش نبان راني دايرة النقاب
فتيحة: كاينة النظرة الشرعية
حفصة: الى قبلت بيه اعمتي
فتيحة: و علاش لي ماتقبليش ابنتي راه ولد الناس ماتلقايش بحالو
حفصة:كتهضري بحالا كتعرفيه (جلسات فالنموسية)
فتيحة: ومال خوووك غيكدب
زادت فتيحة لماريو..تتشوف...
فتيحة:اش غتلبسيي؟
هزات كتافها خفصة:عبائتي لكحلاا
شافت فيها فتيحة مخنزرا
فتيحة:عندك لعزووو؟؟(جبدات كسيوة طويلة بليدين وواسعة فلبنفسجي الفاااتح...)فتيحة غتلبسي هاديي
بعد ساعات..جاااا لييل...كالساا فبيتها...لابساا لكسيوة لي ختارت عمتها..مع زيف فابيض.. ثوبو كريب...مخلياا وجهاا بلاا مايكاب...خدودهاا حوومر بلحشمة والمشاعر لي تجمعوو عليهاا ليوم...شافت لباب تحلااات...هزات راسها بثقالة
حفصة:عمتيي
فتيحة:عيطوو عليك وش مناويااش تنزليي
تمات واقفاا..
حفصة:غنلبس خماري ؟ونهبط
فتيحة:راهاا نظرة شرعية ابنتي وش بغيتي توقفي فشرع الله..اش غيشوف فيك بلخمار..
تنهدات وزااادت مع فتيحة..
حاسا براسها جثة غادة...قلبهااا دارهاا...كفاش غدي واحد وقلبها عند واااحد..
غادة وتتساءل وش هداا ذنب؟وش غتعاااقب عليييه...؟
هزااات عينيهاا..ووسعاتهم..منين سمعات صوتو...صوت ليي رجع لحياة لجثتها...
جاااي كيجري...نقز معنقها..
حفصة(ببتسامة)عمررراااان ...اشش تدير هنااا
عمران (كيبوسها)ياااس غتوليي ماما غتولي ماما
أراءكم
أنت تقرأ
زوجوني منقبة 2( كاملة)
Povídkyزوجوني_منقبة : 2 💞الجزء الأول من القصة ، كان أول تجربة ليا فهاد النوع من القصص و لي فرحني أنها أثرات فبعض البنات إيجابيا ❤ 💞داكشي علاش قررت نجي بجزء ثاني... بأبطال جداد و أحداث جديدة و غاتكون نفس الستايل طبعا كانتمنى تعجبكم و غانفرح إلى غي...
